華小料理屋 (已結業)

店舖不大，星期六午市时间满客，不设取飞等位，须喺门口较窄位置排队等位，稍为等约10分钟就有位。女店员礼貌好及服务好，安排座位后会细心比篮子你放好手提物品。是日尝咗日本佐贺A3和牛㶽及烧各一午市套餐。和牛烧可拣选5成或7成熟。两款均卖相普普通通，和牛㶽嘅肉为薄切，份量适中，唔会太少，肉质松软，㶽内有洋葱幼切、芋丝、豆腐、鲜冬菇，菜诸类......和牛烧嘅肉较厚啲啲，肉质软淋，蔬菜烧得较干身及有啲㶶，普普通通。蒸蛋几香几滑，内有粒虾、银杏。小碟泡菜牛脷几野味，唔辣，亦冇"骚"味。饭则几香软。甜品牛奶布丁几滑几好食。饮品可选柚子蜜或咖啡，两者都一般。整体食物质素普普通通，未算太突出，价钱中上，一试无妨，但不用太高祈望。另外，男店员服务好有进步空间。上菜时态度已麻麻地，饭未食完，佢上甜品冻牛奶布丁，我礼貌地问声可否迟啲先上，佢不屑地望我一眼就一声不响拎走咗去，真抵赞。