九份•十分 (已結業)

夜晚9点几两个人去食。台面上预先放咗一set碗筷，亦有唔同香料粉同酱汁俾客人用。一共食左2个牛肉面、1碟三杯鸡、饮咗2杯珍珠奶茶。牛肉面份量颇多，味道冇特别，60几蚊算中规中矩。三杯鸡一食就知用急冻鸡扒切成一旧旧再整，想啜下鸡骨都冇，收成70蚊碟真系冇乜诚意。珍珠奶茶22蚊杯，唔知同街边台式饮品店卖嘅有咩分别。两个人251蚊埋单，含加一，咁嘅价钱可以有更好选择。不过店内衞生环境唔错，店员服务态度都ok。唔反对各位可以亲身去试，不过我自己唔会再入去食嘢。