九丁目日本料理

营业中

休息中

元朗一向都有好多新食肆，我同男朋友一得闲就会试下 d 新餐厅，今次试九丁目。九丁目行散叫路线，揭开餐牌，价格都算亲民。日本稻庭乌冬。味度同日本食到嘅差唔多。将Wasabi、萝卜蓉、香蒽加入乌冬汁，再将到稻庭乌冬加入乌冬汁，oishi食得出是稻庭乌冬，唔系其他杂牌乌冬。五十几蚊食到正宗稻庭冷乌冬，都算抵。散叫主菜仲有面豉汤送。除左udon , 我地仲叫左鳗鱼炒饭、沙律、炸虾饼同几种寿司。鳗鱼饭够味，除咗面头嘅一块鳗鱼，仲有切粒的鳗鱼在炒饭里面，算多料，亦系即炒热上，美味。蟹子沙律，我地只系叫做细的沙律，都有咁多嘅份量，出符预期。呢本蟹子沙律有西式沙律菜荐底，唔系剩系得青瓜丝，有诚意。至于寿司同炸虾饼，质素都符合预期。带子、三文鱼呀都新鲜，火灸油甘鱼喜出望外。因为每样食物的份量都大，我地食到好饱。如果下次两个人来，知道份量偏大，就应该会叫少一点。