彩龍皇宮大酒樓 (已結業)

本来同朋友去稻x打边炉，发现原来八半后先任食，时间尚早咁唯有转战隔离嘅彩龙啦，平日日$138全包价无限时，假日都系加$10，价钱上真系好平，汤底，茶芥咩都包㖞，仲要连加一都唔使，一试无妨吖。枱上用具都几干净叫了鸳鸯汤底，是沙嗲并清汤，没得自选。呢两个汤底都ok嘅，不太浓味，亦没有越打越咸。任饮饮品有汽水，茶，同啤酒，而啤酒有三款，不少食客枱的啤酒罐堆得满满的，醉翁之意只在酒？哈哈。第一round食物，肥牛，饺子，粟米，萝卜等。菜，菇，莲藕，豆腐，海虾等，食物上得快，但以二人份量来说都几多，免得浪费，慢慢点就好了。第一碟牛都ok嘅好肚饿，火速掉哂啲野落煲先。一口菜肉饺几好味，细细只一口一只。杂菌有冬菇，鸡脾菇，蚝菇。包心丸系芝士丸来的。第二碟牛就爆肥，白色多过红色，不过百几蚊位都不能要求太高了吧。$148全包总括黎讲食物质素一般，火锅料选择不算多，胜在上菜快，但可能生意一般啦，伙计严重不足，没人收碟加水的，不过连加一都唔使，就真系唔好期望有咩服务啦。无限时任饮任食，叫做同朋友吹下水叹下冷气都抵嘅，而且食到好饱呀。