影片
更多
2019-02-16
112 浏览
餐厅喺旺角创兴广场，占足一层，空间感十足，自助餐区都宽阔啲，唔驶迫嚟迫去，食得舒服。【美国顶级牛小排 正价$368】120分钟任叫牛小扒之外，仲有黑毛猪豚肉同鸡腿肉+刺身任食+火锅料任食+海鲜盛合+任饮。有八种汤底选择，日式和牛清汤淡淡哋唔怕遮盖食材味道；日式豆乳汤就稍嫌太淡，豆乳味唔够突出。出去睇吓自助区。饮品有咖啡机，饮品除咗罐装仲有支装。火锅料有啲都几特别，芝士狮士狗、浆爆芝士球啱晒芝士迷，亦有日式shabu shabu比较少见嘅炸鱼皮、响铃；仲有一包包嘅出前一丁、辛辣面添～刺身就系剔纸仔任叫，除左必食三文鱼吞拿鱼外，北寄贝好爽好juicy，剑鱼腩就够油香，新鲜高质。美国顶级牛小排，油脂都几丰富，渌完仲系入口嫩滑。配角嘅黑毛猪豚肉、鸡腿肉都亦都不错。海鲜盛合有两种选择，我哋叫咗A、B各一。有齐南非龙虾(每位半只)、海虾、花甲、扇贝、鲍鱼、桶蚝、爆膏奄仔蟹(每位半只)、海虾、沙白、蛏子皇、贵妃蚌、青口。只龙虾虽然已经切开咗半只，但啲手脚触须仲郁架，超新鲜；桶蚝亦相当大只，渌完都冇乜缩水；蛏子皇够大条，好鲜甜；其他扇贝、鲍䙳、贵妃蚌都够高质。三百几蚊有齐靓肉刺身任食，再加靓海鲜，CP
【美国顶级牛小排 正价$368】120分钟任叫牛小扒之外，仲有黑毛猪豚肉同鸡腿肉+刺身任食+火锅料任食+海鲜盛合+任饮。
有八种汤底选择，日式和牛清汤淡淡哋唔怕遮盖食材味道；日式豆乳汤就稍嫌太淡，豆乳味唔够突出。
出去睇吓自助区。饮品有咖啡机，饮品除咗罐装仲有支装。
火锅料有啲都几特别，芝士狮士狗、浆爆芝士球啱晒芝士迷，亦有日式shabu shabu比较少见嘅炸鱼皮、响铃；仲有一包包嘅出前一丁、辛辣面添～
刺身就系剔纸仔任叫，除左必食三文鱼吞拿鱼外，北寄贝好爽好juicy，剑鱼腩就够油香，新鲜高质。
美国顶级牛小排，油脂都几丰富，渌完仲系入口嫩滑。配角嘅黑毛猪豚肉、鸡腿肉都亦都不错。
海鲜盛合有两种选择，我哋叫咗A、B各一。有齐南非龙虾(每位半只)、海虾、花甲、扇贝、鲍鱼、桶蚝、爆膏奄仔蟹(每位半只)、海虾、沙白、蛏子皇、贵妃蚌、青口。只龙虾虽然已经切开咗半只，但啲手脚触须仲郁架，超新鲜；桶蚝亦相当大只，渌完都冇乜缩水；蛏子皇够大条，好鲜甜；其他扇贝、鲍䙳、贵妃蚌都够高质。
三百几蚊有齐靓肉刺身任食，再加靓海鲜，CP值都算高。想再平啲可以非繁忙时间去，有早鸟、夜割优惠，仲有最抵嘅深夜割优惠，夜晚11点后入座只系$268仲要无限时，啱晒蒲完旺角嘅夜鬼去食。
张贴
