影片
更多
2010-02-09
153 浏览
周五友人约饭局，点知5点打去就冇得book枱，咁6:30左右我就同男友大人去walk in攞枱。去到好快就入座，知班友仔实迟冇早，所以就叫咗一串串烧羊粒同烧多春鱼，一边送啤酒一边等，老实个烧羊肉质软软，羊味就唔太浓，都几好，而个烧多春鱼就一般货仔，冇苦味都可以收货。朋友到齐就order咗个蕃茄薯仔鱼汤配细鳞剌身，个汤等成3个字先到，原来条细鳞起咗肉做剌身后，炸咗个鱼骨嚟熬汤，个汤未渌嘢落去之前试咗一啖，好有味，唔太味精，唔似平时𠮶啲汤底味淡如水，而细鳞剌身肉质好烟靭，鱼甜鲜味重。其他order咗美国牛肩肉，好鲜甜，牛油香味唔错，炸腐皮，鲜滑牛，辣肉肠，贵花蚌，猪腰，生鱼片，竹笙就一般货色，而白鳝片，唔新鲜，好惺。田鸡中形大只，肉滑鲜甜。不过不得不赞鲜鹅肠，不嬲平时打亲边炉我order鹅肠之时都一定问系咪新鲜鹅肠，如果唔系我一定唔order，今次呢度系新鲜货，二话不说啦，鹅肠油脂十足，香甜无比，食完个口阵油香味久久不散，超回味。最后仲有一个竹笙墨鱼滑，初时以为墨鱼滑里混有竹笙，点知嚟到系竹笙酿墨鱼滑，竹笙爽脆墨鱼滑弹牙，好得意同都几好味。成晚都唔记得饮咗几支啤酒，满足~
去到好快就入座，知班友仔实迟冇早，所以就叫咗一串串烧羊粒同烧多春鱼，一边送啤酒一边等，老实个烧羊肉质软软，羊味就唔太浓，都几好，而个烧多春鱼就一般货仔，冇苦味都可以收货。
朋友到齐就order咗个蕃茄薯仔鱼汤配细鳞剌身，个汤等成3个字先到，原来条细鳞起咗肉做剌身后，炸咗个鱼骨嚟熬汤，个汤未渌嘢落去之前试咗一啖，好有味，唔太味精，唔似平时𠮶啲汤底味淡如水，而细鳞剌身肉质好烟靭，鱼甜鲜味重。
其他order咗美国牛肩肉，好鲜甜，牛油香味唔错，炸腐皮，鲜滑牛，辣肉肠，贵花蚌，猪腰，生鱼片，竹笙就一般货色，而白鳝片，唔新鲜，好惺。田鸡中形大只，肉滑鲜甜。不过不得不赞鲜鹅肠，不嬲平时打亲边炉我order鹅肠之时都一定问系咪新鲜鹅肠，如果唔系我一定唔order，今次呢度系新鲜货，二话不说啦，鹅肠油脂十足，香甜无比，食完个口阵油香味久久不散，超回味。最后仲有一个竹笙墨鱼滑，初时以为墨鱼滑里混有竹笙，点知嚟到系竹笙酿墨鱼滑，竹笙爽脆墨鱼滑弹牙，好得意同都几好味。
成晚都唔记得饮咗几支啤酒，满足~
张贴
