8
2
1
等级4
249
7
价钱依旧, 水准一样依旧(咁好) o既 lunch buffet
2012-04-06 408 浏览
我帮衬「咖哩煲」o既lunch buffet, 断断续续已经有4、5年o既时间. 难得o既系咁多年o黎, 佢地o既buffet 一直维持o系 HK$88 o既价钱, 而食物o既款式依然丰富, 水准依然保持稳定. 所以咁耐以o黎都能够keep 得住包括我在内o既一班旧客仔, 当然唔少得o系附近工作o既白领同外籍人士啦.见寻日星期四放假得闲, 一于早o的o黎食, 睇下佢地o的水准有冇变到.一入门口, 一条过o既buffet台龙门阵依旧, 由左手边数起放有炸物、 烧烤、是日餐汤; 中间o既沙律、薄脆、 甜品 (见上图),到右手边o既主菜、素食、同埋白饭/黄饭 (见上图)先o黎是日主菜, 为方便影相我唔啰太多. 包括 (见上图):孟买香料煮鱼(Bombay Fish Masala) - 用串烧鱼块 (Fish Tikka) 做o既菜, 所以o的鱼本身大件又入味. 汁里面有一粒粒o既芥子, 唔太杰同太重味, 几好食.牛油鸡(Chicken Makhani) - 鸡肉够嫩, 用番茄同奶油做o既汁甜甜地又creamy, 送饭一流.印度黄饭(Pullao Rice) - basmati rice 煮得
更多
我帮衬「咖哩煲」o既lunch buffet, 断断续续已经有4、5年o既时间. 难得o既系咁多年o黎, 佢地o既buffet 一直维持o系 HK$88 o既价钱, 而食物o既款式依然丰富, 水准依然保持稳定. 所以咁耐以o黎都能够keep 得住包括我在内o既一班旧客仔, 当然唔少得o系附近工作o既白领同外籍人士啦.

见寻日星期四放假得闲, 一于早o的o黎食, 睇下佢地o的水准有冇变到.
室内 lunch buffet 台o既布置 – 左边.
79 浏览
0 赞好
0 留言
 一入门口, 一条过o既buffet台龙门阵依旧, 由左手边数起放有炸物、 烧烤、是日餐汤; 中间o既沙律、薄脆、 甜品 (见上图),
室内 lunch buffet 台o既布置 – 右边.
62 浏览
0 赞好
0 留言
 到右手边o既主菜、素食、同埋白饭/黄饭 (见上图)
主菜(顺时针方向):孟买香料煮鱼(啡色),印度黄饭,牛油鸡(橙色),自选饮品一杯.
53 浏览
0 赞好
0 留言
 先o黎是日主菜, 为方便影相我唔啰太多. 包括 (见上图):

孟买香料煮鱼(Bombay Fish Masala) - 用串烧鱼块 (Fish Tikka) 做o既菜, 所以o的鱼本身大件又入味. 汁里面有一粒粒o既芥子, 唔太杰同太重味, 几好食.

牛油鸡(Chicken Makhani) - 鸡肉够嫩, 用番茄同奶油做o既汁甜甜地又creamy, 送饭一流.

印度黄饭(Pullao Rice) - basmati rice 煮得o岩o岩好, 一粒粒, 有饭香, 用o既香料够, 煮出o黎悦目又好味. 好过食白饭咁寡.


每位自助餐包一杯免费饮品. 我拣o左印度啤酒Kingfisher, 入口苦涩, 有啤酒o既味道, 无拣错.
Naan “印式烤饼” – 即叫即做一开二, 新鲜好味!
52 浏览
0 赞好
0 留言
 食完主菜冇耐, 伙记奉上印式烤饼(Naan)一件 (见上图), 系新鲜热辣o岩o岩烤好个只, 上台时已经一开二. 印式烤饼一定要新鲜热辣即食至好味, 佢地做到呢点, 满分!
(注: 烤饼系可以食完再嗌o既, 只要同伙记down声就得.)
烧烤与炸物(顺时针方向):免治羊肉卷(橙色),鸡腿(肉色),炸什菜(金黄色),及咖哩角(米色).
58 浏览
0 赞好
0 留言
 跟著食o既系烧烤同炸物 (见上图), 包括:

串烧免治羊肉卷(Seekh Kebab) - 烧烤食品系「咖哩煲」o既强项, 而串烧免治羊肉卷系其中o既表表者. 切成一段段o既羊肉卷, 肉同香料配合均匀, 烧o既火候到家, 食落感到有汁水, 唔会干挣挣, 所以咁耐以o黎我都好钟意食呢度o既羊肉卷, 今次亦无令我失望!


串烧鸡腿(Chicken Bara Tikka) - 一般o既Chicken Tikka系无骨o既, 呢个串烧Tikka系连骨o既细细只鸡腿一齐烧, 比一般o既Tikka冇咁多香料, 味道较温和, 用o黎送饭都算唔错.

炸杂菜(Pakora) - 见o岩o岩炸起就即刻啰黎食. 一件件切好o既菜件混埋鸡豆面粉o既炸浆o黎炸, 有o的似天妇罗. 其中食到一件系炸椰菜花 (下图),
切开其中一件 “炸什菜” – 里面o既馅系耶菜花同埋鸡豆面粉炸浆.
53 浏览
0 赞好
0 留言
 外皮都几脆, 里面o既菜同面粉炸浆馅保持应有o既湿润, 食时唔会又干又粉. 抵赞!


咖哩角(Samosa) - 整得细细粒好嫡式. 外皮唔算松脆, 里面o既馅系薯蓉同埋青豆(下图),
切开 “咖哩角” – 里面o既馅系薯蓉同埋青豆.
37 浏览
0 赞好
0 留言
 味道唔系太突出. 呢个要扣分.
素食(顺时针方向):薯仔沙律(橙色),葫芦巴煮薯仔(黄色),青瓜沙律(绿色),及印式腌菜(啡色).
81 浏览
0 赞好
0 留言
 食完烧烤后仲有素食同沙律 (见上图), 包括:

印式薯仔沙律(Aloo Chaat) - 煮好摊冻o既薯仔切细粒, 拌以蕃茄, chutney同乳酪, 甜甜地又醒胃, 好味!.


葫芦巴煮薯仔(Aloo Methi) - 薯仔粒加入葫芦巴同姜丝同煮, 令整个菜散发出葫芦巴特有o既香同味, 加埋姜丝味道非常好. 有机会o黎食晚餐的话, 呢味菜值得推荐!


青瓜沙律(Cucumber Salad) - 呢o的大路o野好在冇点出错. 青瓜, 红、白萝卜都新鲜同大粒. 拌以黑胡椒同沙律油, 味道适中, 唔错.

炸薄脆(Papadum) - 卷埋好似个雪糕筒咁, 炸得比较厚身, 无一般薄身一片o个o的咁好食.

印式腌菜(Indian Pickle) - 印式腌菜系用未熟o既芒果, 青柠, 辣椒等加入酱料同芥子油腌制. 比起 Branto, 呢度o的腌菜咸得滞, 又唔系好够辣, 唔得, 扣分.
Dal Tadka “香料煮扁豆” – 香浓美味暖在心!
57 浏览
0 赞好
0 留言
 餐汤我冇饮到佢地o既是日餐汤(什菜汤), 而系拣o左另一款素食 - 香料煮扁豆 (Dal Tadka; 见上图) - 当汤饮. 佢用料好足, 扁豆、蕃茄、姜丝、蒜蓉、辣椒样样齐, 味道浓, 辛而不辣, 天气冻o既日子, 暖胃一流! 我饮o左三碗, 因为好好味.
精致甜品: Kheer “双米布甸” (前), 及 Fruit Salad “鲜果沙律” (后).
57 浏览
0 赞好
0 留言
 最后轮到餐后甜品(见上图). 今次有:

双米布甸(Kheer) - 用白米、西米、椰浆、糖同荳蔻煮成, 表面铺上提子干同杏仁片做装饰 (下图),
Kheer “双米布甸” – 有提子干同杏仁, 甜味适中.
61 浏览
0 赞好
0 留言
 布甸唔太杰, 甜道适中, 有椰香味, 做到双米布甸o既应有水准. 正! 我食o左两杯.


鲜果沙律(Fruit Salad) - 全部新鲜材料, 好多奇异果、苹果同密瓜, 消滞一流.


总结: 埋单连加一都只系 HK$97, 绝对低食. 加上佢地o既食物同服务水进一直都保持得咁好, 夫复何求?
题外话/补充资料： Buffet 台o既布置清楚利落, 每样食品都放有名牌方便食客记认. 就选唔识, 老板同伙记都会主动同乐意帮忙解答. 够细心!
(以上食记乃用户个人意见 , 并不代表OpenRice之观点。)
  • 推介
    已推介
  • 检举
1 已推介
    张贴
    评分
    味道
    环境
    服务
    卫生
    抵食
    用餐日期
    2012-04-05
    用餐途径
    堂食
    人均消费
    $100 (午餐)
    推介美食
    室内 lunch buffet 台o既布置 – 左边.
    室内 lunch buffet 台o既布置 – 右边.
    主菜(顺时针方向):孟买香料煮鱼(啡色),印度黄饭,牛油鸡(橙色),自选饮品一杯.
    Naan “印式烤饼” – 即叫即做一开二, 新鲜好味!
    烧烤与炸物(顺时针方向):免治羊肉卷(橙色),鸡腿(肉色),炸什菜(金黄色),及咖哩角(米色).
    切开其中一件 “炸什菜” – 里面o既馅系耶菜花同埋鸡豆面粉炸浆.
    素食(顺时针方向):薯仔沙律(橙色),葫芦巴煮薯仔(黄色),青瓜沙律(绿色),及印式腌菜(啡色).
    Dal Tadka “香料煮扁豆” – 香浓美味暖在心!
    精致甜品: Kheer “双米布甸” (前), 及 Fruit Salad “鲜果沙律” (后).
    Kheer “双米布甸” – 有提子干同杏仁, 甜味适中.
    • 串烧免治羊肉卷(Seekh Kebab)
    • 葫芦巴煮薯仔(Aloo Methi)
    • 香料煮扁豆(Dal Tadka)
    • 牛油鸡(Chicken Makhani)
    • 印式烤饼(Naan)
    • 印度黄饭(Pullao Rice)
    • 双米布甸(Kheer)