阿糊米線 (已結業)

我初初见呢间餐厅食物的价钱平,所以就想试下。我叫了一碗猪大肠+肉碎+蛋米线,份量都算大,味道都OK,但没有太大的惊喜;我仲叫了一碟蒜香炸猪手,但猪手唔掂话明系炸猪手,但一D都唔似有炸过,因为D皮软淋淋,唔香唔脆好后悔叫了这碟猪手 服务态度方面,更加完全唔掂!有个高大肥肥地单眼皮的男侍应平时边做野边发梦都算(有客人叫咗佢几次,佢都可以听唔到冇反应),坐我隔离有两位打扮时髦+化哂妆的女士,当她们食哂D野叫埋单时,个男侍应就行过去佢地个位到俾张单佢地,佢地就系个位到埋单;但当我食完野之后叫埋单时,个男侍应就即刻叫我自己行出去埋单,于是我同佢讲:「但系头先隔离位果两个人系系个位到埋单架㖞」 个侍应答:「你出去埋啦,我地间店的规则系要出去埋单的」 呢个时候我真系著 我问:「规则?咁点解呢个规则唔apply落头先果两位客人到?大细超?」佢答:「我宜家比较忙,你出去埋单会快d」他继续坚持要我出去埋,我话佢咁样既态度,点解连一句道歉都冇,于是佢就敷衍我say sorry,但仲要继续反驳! 离哂大谱!就算几抵食都好,但如果一间餐厅的服务质素差劣,顾客以后都唔会再帮衬的