影片
更多
2018-10-20
161 浏览
听讲咗呢间大坑平民美食好平好好食，喺铜锣湾闲闲地食餐饭都一旧水，当然要物色下又平又好食既好西啦😋今次行入少少去到大坑试呢间叫两草，顾名思义两草野搞得掂一餐啦，当然佢嘅价钱真心平民，一碗饭都系$30，绝对系穷人之选！佢既装修格调同风格都好似附近𠮶间大坑猪扒店 。嗌咗碗香煎脆皮蛋肉饼饭🥢，应该系成间铺头唯一一样好食嘅食物🤔。肉饼加鸡蛋加豉油呢个捞饭配搭本身系无敌，加上去嘅豉油汁都好好食，呢个价钱性价比无得输。之后落嚟会讲啲麻麻地或者唔好食嘅嘢。滑蛋叉烧饭🥢既鸡蛋炒得滑，但叉烧完全冇烧过嘅味道，真心同正常人屋企自己煮既味道相差不大，可以唔试。胡椒肉骨茶🥢不过不失，但冇乜药材味，可以一试。蛋炒猪肠粉🥢肠粉滑既，但系well，啲蛋去咗边？应该净系落咗几百万分之一既鸡蛋落去，零蛋味，可以唔试。香煎鱼饼🥢味道普通，肉质偏干而鞋，可以唔试。班兰咖央多士🥢冻既，好彩都仲脆。但班兰味呢系食唔出既而且份量都好细，可食可唔食啦。总括来讲，除咗肉饼饭有中上水准外，其他食物只有中下水准。⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️💡是日嗌咗： （免加一）香煎脆皮蛋肉饼饭 $30滑蛋叉烧饭 $30胡椒肉骨茶 $35蛋炒猪
今次行入少少去到大坑试呢间叫两草，顾名思义两草野搞得掂一餐啦，当然佢嘅价钱真心平民，一碗饭都系$30，绝对系穷人之选！佢既装修格调同风格都好似附近𠮶间大坑猪扒店 。
嗌咗碗香煎脆皮蛋肉饼饭🥢，应该系成间铺头唯一一样好食嘅食物🤔。肉饼加鸡蛋加豉油呢个捞饭配搭本身系无敌，加上去嘅豉油汁都好好食，呢个价钱性价比无得输。
之后落嚟会讲啲麻麻地或者唔好食嘅嘢。
滑蛋叉烧饭🥢既鸡蛋炒得滑，但叉烧完全冇烧过嘅味道，真心同正常人屋企自己煮既味道相差不大，可以唔试。
胡椒肉骨茶🥢不过不失，但冇乜药材味，可以一试。
蛋炒猪肠粉🥢肠粉滑既，但系well，啲蛋去咗边？应该净系落咗几百万分之一既鸡蛋落去，零蛋味，可以唔试。
香煎鱼饼🥢味道普通，肉质偏干而鞋，可以唔试。
班兰咖央多士🥢冻既，好彩都仲脆。但班兰味呢系食唔出既而且份量都好细，可食可唔食啦。
总括来讲，除咗肉饼饭有中上水准外，其他食物只有中下水准。
⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️
💡是日嗌咗： （免加一）
香煎脆皮蛋肉饼饭 $30
滑蛋叉烧饭 $30
胡椒肉骨茶 $35
蛋炒猪肠粉 $20
香煎鱼饼 $20
班兰咖央多士 $20
💡餐厅资料：
两草 (铜锣湾)
铜锣湾铜锣湾道126号
@foodie.nomoney
张贴
