望月樓

营业中

休息中

星期日同长辈去又一城望月楼饮茶，呢度有唔少comment话服务麻麻，呢一日去食我又觉得冇咩问题，不过去到三、四点都仲好旺场。望月楼出名食嘅点止系精致点心，仲有环境同氛围，所以价钱唔平，不过长辈就食得好开心☺️。蒜泥白肉薄片白肉加上薄片青瓜，口感特别，再加埋底嘅酱料味道丰富，蒜泥剁得够细致，沟埋一齐好好食。芙蓉海鲜芋角绝对系新鲜炸起，好酥脆，馅料丰富，芋蓉好滑，食到有带子同埋有肉粒。雪山叉烧焗餐包正常发挥，不过同出边嘅雪山包唔一样，个皮唔系好脆果种，但系好薄一层。瑶柱带子菜菌饺唔系好食到有瑶柱同带子，反而有虾，食落都爽口新鲜。蜜汁叉烧肠粉皮薄，好滑，入边嘅馅料好足，有好多好多叉烧，完全冇肥肉👍🏼。望月焗猪扒饭呢个有惊喜，冇谂过饮茶有焗猪😂，有埋「望月」两个字明显系招牌菜。👦🏻好开心，因为系佢至爱，好足料，面头仲要有只煎蛋。个蕃茄汁系中式鸳鸯炒饭嘅蕃茄汁，即系类似传说中嘅萤光汁，唔系平时快餐店焗猪𠮶种鲜茄汁，冇青豆要加分，但冇菠萝又要扣分😂。鱼汤青菜钵有惊喜，因为份量十足。菜心清脆鲜嫩，加上鱼汤汤底好好饮。