BLT Burger (已結業)

平日行过呢间burger店都大排长龙，咁啱呢日早咗黎，仲有好多空位，而且可以用到海港城dining coupon B $100-$50，一于黎试试佢。套餐嘅选择唔多，只有三款汉堡选择，另外跟薯条同饮品，我地惊两个人食唔晒两份薯条，最后拣咗一个BLT BUGER SET，另外单点一个WAGYU burger，价钱偏贵。不过等候时间略长，我地等咗超过20分钟先上菜，难怪门外成日咁多人排队，可能只因上菜时间太慢。BLT BURGER SET～我仲加咗$12转甜蕃薯条，我超钟意食，甜甜脆脆咁。BLT Burger入面有蕃茄、生菜、洋葱、烟肉，汉堡扒，份量好大，一路食都担心食唔晒，最后两个人都食净咗至少半份薯条。Burger唔系好够汁，汉堡扒虽然话系5成熟，但食落有点干身，有点失望。呢个澳洲和牛汉堡单点都要$188，入面有煎蛋、烟肉、和牛汉堡扒，味道ok，但我觉得唔值咁贵。