M6冰室 (已結業)

鲗鱼涌/太古坊呢边有好多唔同类型既食店，冰室都开左好几间，今次试下呢间新开既M6冰室。我叫左个秘制葱油香煎鸡扒饭，鸡扒有2大件，鸡皮煎得香脆可口，肉质嫩滑唔会鞋口，味道唔会过咸，配上佢甜甜既葱油汁同食仲正。如果系食量唔大既女仔，根本唔会食得哂。😻😻😻另外我欣赏佢既葱油汁系另上，钟意沾几多汁就自己决定。配上既杂菜唔系hea用水煮， 系用蒜蓉炒过，非常好味，但如果杂菜再多啲就加更好。😋😋😋热柠檬茶就系正常茶记水准，茶味唔会苦涩，唔错。👍👍👍其实呢间我已经黎过几次， 店员既服务态度非常好又有礼貌，价钱公道又好食，会长期帮衬。😸😸😸