日本野 (已結業)

早排朋友约我食饭，我话想食日本嘢，佢就提议去食日本野，佢话因为日本野啲日本嘢用料新鲜，而且价钱唔贵... 一路倾时我都系黑人问号，讲咗好耐先知间餐厅叫日本野😂。和牛寿喜烧定食 配乌冬 $188 寿喜烧应该无人唔钟意食，用上和牛更添油香，虽然咁平嘅价钱一定唔系最最最靓嘅肉，但都油花丰富，过吓口瘾唔错。极上七品刺身 $328 去日本餐厅刺身拼盘真系唔叫唔得，虽然呢到系fix死刺身配搭而唔系写时令刺身，但用料都非常新鲜，特别要大赞油甘鱼，厚切之余入口即化，虽然刺身拼盘无拖罗，但呢个嘅油香系可以替代到拖罗🤤。三文鱼子寿司 $32、火炙帆立贝寿司 $52 散叫咗少少寿司，三文鱼子好出色，又鲜又重咸香，口感好爽。火炙帆立贝略嫌唔够肥美，肥啲嘅话烧完更香。炭烧牛舌串 $38 调味啱啱好，炭烧完又爽口又惹味。炭烧茄子 $18 唔明白点解可以咁平😂 不过食落调味唔够重，个人觉得一般。炭烧大啡菇 $36 呢个都系还好，系朋友钟意食先叫，味道较淡。鳗鱼炒饭 $108 用料都几足，食落蒲烧汁嘅味浓，而且都几大碟。Pina Colada $98/jar 好抵叫，饮落觉得酒精含量比较少，但椰香好正，易入口啱哂一