撈喜 (已結業)

系openrice search 筲箕湾有咩嘢食，见到呢间捞起，有印象俾传媒介绍过，所以决定放假嘅时候黎食。见到佢既招牌系花胶捞面就当然要试吓啦，然后又见到佢个炖汤几吸引，所以就叫咗个套餐，好似抵食啲。个套餐包一个花胶捞面，一个＄58嘅炖汤（我叫左花胶炖鸡汤），一碟小食（我叫左两只鸡翼） ，同一碟生菜。总共要$148先讲讲个炖汤，好鲜甜呀！虽然唔系落咗好多鸡，而系比较多瘦肉，但整体都唔错。个花胶意外地几脆而唔系满口胶lol。个捞面嘅汁唔错，面质非常爽口！好老实讲个花胶反而系陪衬品。个鸡翼非常之好食，外脆内软，个汁都唔错，系意料之外。另外叫咗一个黑松露鲍鱼意大利饭。黑松露味都几香，鲍鱼口感亦都不错唔会韧，不过就完全唔系意大利饭，而系此啲汁捞落啲饭到， 所以个饭就比较逊色啦。成间餐厅虽然唔大，但主要得1个人负责落单上菜结帐，所以都要等一等。不过整体用餐都唔错，会再嚟食。