越火越式湯粉 (已結業)

突然间想食越南牛河，去咗横街呢间，价钱好公道，几抵食。四重享套餐 $108 化算，包括4项目，拣咗主食－牛肉丸汤河小食－春卷小食－扎肉米纸卷饮品－黑糖姜枣另外省点呢两样：话梅蜂蜜柚子茶火车头汤粉 $76两碗牛可都好大碗，火车头果然好犀利，牛腩、牛肉片、牛伯叶、牛丸、鱿鱼，仲有好多芫荽同埋九层塔，冇九层塔就唔系越南味道啦，另外仲有青柠及辣椒可以加落汤，材料充足地道，好有心做，汤头都几清但系味道又好，河粉又滑。春卷做得好脆，皮薄馅靓。扎肉米纸卷几大件，抵食。两杯饮品之中我觉得话梅蜂蜜柚子茶够特别，大大粒话梅，好饮。黑糖姜枣好多姜，甜到刚好。