阿來東南亞風味 (已結業)

果日约咗朋友影相，一影就影到3点几...饿到晕...朋友话想食泰国嘢，见哩间阿来唔太贵，所以就入去食。我哋一嚟就即刻嗌咗个椰青先，又饿又渴，椰青几清甜，不过略嫌有啲贵，我记得平时啲餐厅好似卖廿几蚊一个，定系我记错呢?之后就叫咗马拉盏炒四大天王，有秋葵、芥兰、臭豆同豆角，正!一次过食4款蔬菜!而且啲菜几新鲜!泰式鲜虾炒金边粉啲虾几新鲜，虾肉结实，金边粉味道带点少甜少辣好开胃。由于乜都想试下，所以叫咗个小食拼盘，有虾饼、蛋黄鸡翼、豆卜同春卷，最好食系鸡翼，咸蛋味很惹味，仲要系用单骨鸡翼，方便入口!虾饼同豆卜就是正常水准，而春卷就比较特别，里面竟然有西芹，我就觉得ok, 我朋友就麻麻地。总括嚟讲啲嘢食唔错，价钱合理，而且啲服务员很友善。