大門拉麵 (屯門市廣場1期)

营业中

休息中

屯门食嚟食去都系果啲野。今日就去左AEON入面食沾面。星期日中午非常多人！等左十几分钟就入到啦！哥哥仔service 非常好。加分！个炸鸡嘛，油左小小啰，亦都唔系好脆😂。不过起码沙律酱系Kewpie 嘅。（不过日本餐厅都好小可沙律酱唔系Kewpie？）沾面，叫左个辣嘅红大门沾面。面质al dente。沾面汤唔算好辣，非常浓郁，应该用左唔小肥猪肉炮制而成。当然沾面个汤本身系几咸，不过食完之后加埋啲木鱼汤我觉得面几好饮。叉烧炒饭饺子定食，炒饭水准可以，粒粒分明。煎饺有点点偏稔，唔够爽脆。都可以啦！最后，每个人都系$50上下落楼。CP值又出奇高㖞！啲难食茶餐厅都收你$70嘅世代，都非常有良心。