影片
更多
2012-11-02
66 浏览
寻日(1-11-2012 Thur)放工后同女友人WK行街买o野,买完o野都9:00pm左右,我谂唔到食咩o野,WK提议呢间被我black list o左好耐o既和民,不过佢话唔错就畀次机会啦.我o地等o左一阵至有枱,睇o左耐至拣到:3. $23.00o既炸𫠒鱼饼卖相OK,味道方面, 𫠒鱼味唔浓,口感适中,亦唔炸得过火.味道:5. $43.00o既牛油焗带子原本我o地要$36.00o既黑椒糖脆鸡翼,不过卖晒,就转叫呢个.呢个o黎到,得7粒带子,牛油味唔够浓,一般.2. $19.00一个o既蟹肉忌廉炸薯饼,要两个o黎到,呢个伴以椰菜丝同生菜,加少少麻酱,系真系少少,一茶匙都唔知有冇.我先用筷子夹开睇睇,内里几流心,白雪雪o既,见唔到蟹肉,食落,热腾腾同觉得系一pat pat忌廉,食到最后都食唔到蟹肉同薯仔,而椰菜丝同生菜都唔系太新鲜,忌廉饼o既忌廉混埋啲菜食就好食,不过太少麻酱同埋….我o地究竟系食蟹肉忌廉炸薯饼定炸忌廉饼?????而呢次令我谂起之前o系旺角北海道活寿司食过o既差唔多,o个次食评:http://www.openrice.com/restaurant/commentdeta
我o地等o左一阵至有枱,睇o左耐至拣到:
3. $23.00o既炸𫠒鱼饼
卖相OK,味道方面, 𫠒鱼味唔浓,口感适中,亦唔炸得过火.味道:
5. $43.00o既牛油焗带子
原本我o地要$36.00o既黑椒糖脆鸡翼,不过卖晒,就转叫呢个.呢个o黎到,得7粒带子,牛油味唔够浓,一般.
2. $19.00一个o既蟹肉忌廉炸薯饼,要两个
o黎到,呢个伴以椰菜丝同生菜,加少少麻酱,系真系少少,一茶匙都唔知有冇.
我先用筷子夹开睇睇,内里几流心,白雪雪o既,见唔到蟹肉,
食落,热腾腾同觉得系一pat pat忌廉,食到最后都食唔到蟹肉同薯仔,而椰菜丝同生菜都唔系太新鲜,忌廉饼o既忌廉混埋啲菜食就好食,不过太少麻酱同埋….我o地究竟系食蟹肉忌廉炸薯饼定炸忌廉饼?????而呢次令我谂起之前o系旺角北海道活寿司食过o既差唔多,o个次食评:
http://www.openrice.com/restaurant/commentdetail.htm?commentid=2090521
*menu内写$19.00一个,$38.00两个.其实两个冇平到,点解要咁写?惊人唔识计?
1. $63.00o既特浓蕃茄火锅
WK之前食过,佢赞唔错,亦都系话o黎呢o度食o既原因.
o黎到,个锅唔大个,里面有一小撮金菇,两只虾,两只蚬,四片肥牛,豆腐,西兰花同垫底o既菜.
呢个蕃茄味系浓,食材都OK,冇乜问题同冇乜特别,以$63.00o黎讲,份量少o左啲.见到呢个,我终于明白WK点解成日话要叫饭或拉面.
4. $36.00o既铁板烧一口饺子
点解个卖相咁得人惊o既????有层唔知系膜定咩o野o系上面,WK开玩笑话拎出o黎时跌o左落地,就咁倒转执返.
睇返menu,原来真系本身有层o野盖住一口饺子,不过呢个就肉酸o左,咁我放心先食,o个层膜好似一张纸,而饺子内里系猪肉,味道似中国风,不过冇畀醋我o地蘸,味道系唔多够,所以我要蘸蕃茄汤食.6. $26.00追加o既乌冬
睇上面所有食物o既份量就知食到我o地又唔饱又唔饿半天吊,所以WK决定要加.呢o度o既乌冬冇乜特别,而加返o既蕃茄汤呢,少之又少.
最后,蕃茄汤味道都有啲酸.环境:
好阔落,二人枱比其他食肆o既大,通道又阔.
服务:
个个都系后生仔女,都几好礼貌.
但好奇怪,WK有两袋o野,佢就问男侍应攞张凳摆o野,点知佢攞张木圆凳而唔系有背凳,咁摆啲o野好易跌o架㖞,时间都唔早,唔会再有客人o黎,而且好多四人枱有有椅背o既凳都冇人坐,点解佢唔畀呢啲凳我o地?
每张枱都设有一个call侍应o既掣,但我o地每次按都要等几耐至人回应.
当我以为所有o野都o黎齐时侯,至发现原来铁板烧一口饺子未o黎,于是叫人,女侍应查o左话要等多阵.之后o黎到o既唔系铁板烧一口饺子而系汤饺子,呢样系厨房搅错.
而我o地食埋铁板烧一口饺子后,决定畀$26.00追加一个乌冬,落o左单又等几耐吓都冇,唔系又漏单呀?咁简单一个冇煮熟o既乌冬都要等咁耐?
卫生:
人手少到不得了,有几张枱走o左,好耐都冇人执o野,甚至之后佢o地索性推架载有污糟餐具o既车出o黎摆o系o度,对我o地未食完o野o既客人有啲恶心.
其他:
开头我讲我o地坐低后睇o左好耐menu至拣到o野食,系因为佢o地o既menu花呢花绿之余,好多o野都系重覆,误导WK以为多o左好多种o野.
而当中加o左好多外国菜,就好似我o地有食到o既特浓蕃茄火锅,重有炸薯条,黑椒糖脆鸡翼同泡菜饭咁,已经唔系纯日本餐厅.
张贴
