影片
更多
2017-04-01
186 浏览
大概6点左右黎到，冇预约，大概等左5至8分钟就入座。呢间食肆装潢算新，但位置就唔算就脚，要行到差唔多到海滂。第一次黎就试下黄金鸡木瓜椰子汤底，汤底好香，有少许椰子，木瓜系汤入面。鸡方面，要等煲滚水之后再落。当水滚起之后，可以举手示意员工，佢地会过黎帮你倒鸡落汤入面，唔会弹到自己而且一开始系枱面有沙漏，呢个时候就有用处，即刻掉转沙漏计时。据说系沙漏完左就食得，但我认为熟少少好，始终属肉类。等紧鸡汤底个阵，可以自己出去食乳酪雪糕，拎饮品（纸包、罐装、汽水啤酒）同打边炉材料。纸包饮品大多是道地牌，有巨峰，柑桔，乌龙茶，绿茶等多种选择。我偏向喜欢食蔬菜同豚肉，对丸类一般，蔬菜比较吸汤。所有食材都新鲜，而且有即食寿司，饭选择，唔怕等到饿亲。菇类好香，豚肉黎个阵系硬晒一饼（肉类系好够冻），鱼片我虽然少食但都忍唔住食左2旧，好弹牙。其实火锅食材、汤底😂每个人喜好不同，好难讲得晒。只能简单两组词语形容：新鲜，干净我本身都冇谂住特别介绍寿司，冇影到相。但如果你准备有兴趣去，一定试一两件寿司。寿司系圆形个种，饀系紫菜、蛋、青瓜呢啲一般材料，我觉得系几好食😶记住唔好太投入食寿司，忘记黎呢度嘅原意😂另外有啲湿
第一次黎就试下黄金鸡木瓜椰子汤底，汤底好香，有少许椰子，木瓜系汤入面。鸡方面，要等煲滚水之后再落。当水滚起之后，可以举手示意员工，佢地会过黎帮你倒鸡落汤入面，唔会弹到自己而且一开始系枱面有沙漏，呢个时候就有用处，即刻掉转沙漏计时。据说系沙漏完左就食得，但我认为熟少少好，始终属肉类。
等紧鸡汤底个阵，可以自己出去食乳酪雪糕，拎饮品（纸包、罐装、汽水啤酒）同打边炉材料。纸包饮品大多是道地牌，有巨峰，柑桔，乌龙茶，绿茶等多种选择。
我偏向喜欢食蔬菜同豚肉，对丸类一般，蔬菜比较吸汤。所有食材都新鲜，而且有即食寿司，饭选择，唔怕等到饿亲。
菇类好香，豚肉黎个阵系硬晒一饼（肉类系好够冻），鱼片我虽然少食但都忍唔住食左2旧，好弹牙。其实火锅食材、汤底😂每个人喜好不同，好难讲得晒。只能简单两组词语形容：
新鲜，干净
我本身都冇谂住特别介绍寿司，冇影到相。但如果你准备有兴趣去，一定试一两件寿司。寿司系圆形个种，饀系紫菜、蛋、青瓜呢啲一般材料，我觉得系几好食😶记住唔好太投入食寿司，忘记黎呢度嘅原意😂
另外有啲湿碎野想提下：煲滚左汤之后，基本上好快就煮熟食物，个煲传热快，所以小心烫到🙄
通风系统值得一赞，因为冷气充足，唔会过份冻，著住薄外套食完全冇负担，我食到最后（成个钟）先除。 食完之后，外套冇染上一大阵打边炉味。
除此之外，有刺身放题，唔太想食火锅的话，仲可以加钱食刺身放题。不过我谂大部分人黎呢间食肆，应该都系为左火锅。
豚肉或牛肉可追加，通常侍应会拎两至三碟俾你。食完有需要再叫。呢间佢标榜住食剩100克就收钱，我唔太记得收几多，我冇被收费😎但原意都只系叫你唔好浪费食物。
有样小事需要留意返，90分钟内任食，但写系牌嘅价钱唔系最终收费，下面有行细字写加一服务费。（可以留意下面张相）
如果2个人食，会被安排坐细枱，细枱唔多位放食物之余，张枱仲好易摇摇晃晃。卡位至少3，4个人先至有得被安排。
总结：会再光顾，价钱合理食物种类算多。唯独有样唔太明嘅事就系点解芋丝要两件放一小碟，如果我喜欢食，咪需要拎好多碟仔返坐位，唔太方便
豚肉
4 浏览
0 赞好
0 留言
蔬菜及丸类
5 浏览
0 赞好
0 留言
张贴
