Rondavy's Artisan Kitchen (已結業)

因男友话哩间餐厅有幅大油画好靓，餐厅布置亦都好欧陆feel, 所以黎试下。本身想坐哩张，但话过已book左wo...于是安排坐左角落2个位置，枱比櫈矮，比例好奇怪坐得非常唔舒服，成个人要弯身食野。佢餐牌得2款选择..一系就all day breadfast一系就afternoon tea set. 见到餐牌价钱都好贵，1个all day breadfast就要$168，仲要加一服务费。面包好软熟，搽埋蛋黄酱再加埋黑松露炒蛋，味道唔错。黑松露炒滑蛋好香黑松露味，而且炒蛋好滑。猪肉肠同鸡肉肠一般，冇咩味要靠点芥末酱。沙律菜上面块火腿好难食，沙律菜都新鲜不过沙律汁太咸。organic tea要另加5蚊，茶包好精致系mighty leaf 茶包，我选左香芽姜茶，香芽味出d，但饮唔出姜味，但茶味都易入口。最后附上甜品，豆腐mouse cake我觉得麻麻，mouse太软身，食唔出咩味好淡。all day breadfast出面仲有好多选择，而且最紧要坐得舒服，价钱合理，选择多，食物质数好既都比哩间好好多。