禾彩日本料理

营业中

休息中

为咗逃离黄竹坑呢个美食沙漠，小弟决定闯去香港仔，今次就去咗一间听闻都多人等位嘅日本料理「禾彩」食午餐。午市套餐，初初睇价钱牌系觉得略贵，反而咁样令我更加想试下究竟食物系咪值呢个价钱，于是我就叫咗份鳗鱼蛋饭，套餐包咗一份小食，而我就叫咗螺肉，总共盛惠$88。螺肉一上枱，我同朋友都哗咗一声，因为好大份，一啲都唔似普通日本餐厅前菜俾几件你就算，食落味道几好！而朋友嘅前菜就嗌咗三式刺身，有三文鱼、带子同甜虾各两件，份量都大件而且望落系新鲜，真心抵赞！到咗我嘅主菜鳗鱼蛋饭，鳗鱼上枱时仲见到表面系起泡，证明真系啱啱烧起！鳗鱼汁够香，蛋配洋葱够滑，鳗鱼亦够鲜，米就应该系采用日本珍珠米，粒粒鲜明，唯一要弹嘅系条鳗鱼尾㶶咗少少！整体嚟讲，$88系值得我去俾，总好过我俾$50去食一个劣质饭。