影片
更多
2017-07-02
1148 浏览
昨日系公众假期，我呢啲红日都要上班的一族当然食妟想食好啲☺因为真系好饿，今次系第二次光顾，但红日相当多人，都等左阵先可以入座。打边炉真系各有各钟意，我觉得呢间食材都算新鲜，雪柜够冻，而且因为多人食，refill 速度都快（外面自己拣个啲）。🤔呢间主要素菜类多，丸都系得三四款，仲有牛肉同猪肉可不停refill。饮品都系自己去refill,钟意饮咩就自己拣，汽水柠檬茶类为主。**留意返，你选的价钱就系肉类质素，贵啲就有得食埋海鲜放题。我就平平地选上等牛肉，汤底配香辣同寿喜烧。友人选猪骨汤与寿喜烧。呢间寿喜烧汤底相当好味，少少甜，煮蔬菜类一流我推荐呢个汤底一定要试。香辣汤底都好味，但唔辣，10级辣得1级，但用香辣汤底煮肉类，我话你知😍真系好好食呀～香辣汤带出食物香味，少少辛辣刺激下味觉。猪骨汤就食唔出特别，唔多推介桌上一早有壶昆布汤，自己加汤，但其实冇味，所以一路加汤，原先汤底就愈淡味。用完可以出外面自己添汤，都几自助式。调味品都好足够，除左呢啲，隔离仲有芝麻酱个啲选择（冇影相），可视乎自己口味调配，一人一碟。一开始食炉冇咁热，都要等一阵先煮到，记得水滚后闩细少少个炉，我大概较到8或6，一开
打边炉真系各有各钟意，我觉得呢间食材都算新鲜，雪柜够冻，而且因为多人食，refill 速度都快（外面自己拣个啲）。🤔呢间主要素菜类多，丸都系得三四款，仲有牛肉同猪肉可不停refill。饮品都系自己去refill,钟意饮咩就自己拣，汽水柠檬茶类为主。
**留意返，你选的价钱就系肉类质素，贵啲就有得食埋海鲜放题。
我就平平地选上等牛肉，汤底配香辣同寿喜烧。友人选猪骨汤与寿喜烧。呢间寿喜烧汤底相当好味，少少甜，煮蔬菜类一流我推荐呢个汤底一定要试。
香辣汤底都好味，但唔辣，10级辣得1级，但用香辣汤底煮肉类，我话你知😍真系好好食呀～香辣汤带出食物香味，少少辛辣刺激下味觉。
猪骨汤就食唔出特别，唔多推介
桌上一早有壶昆布汤，自己加汤，但其实冇味，所以一路加汤，原先汤底就愈淡味。用完可以出外面自己添汤，都几自助式。
调味品都好足够，除左呢啲，隔离仲有芝麻酱个啲选择（冇影相），可视乎自己口味调配，一人一碟。
一开始食炉冇咁热，都要等一阵先煮到，记得水滚后闩细少少个炉，我大概较到8或6，一开始系10。因为一人一锅呢种一水滚会弹到自己，个锅都几近，但弹到又未至于起水泡。所以当日公众假期多小朋友，我见小朋友一家通常获安排坐一个大锅枱，安全啲。如果一家大细食，都非常方便安全。，当然大人有责任要睇住小朋友☝️
其实仲有米饭，面，雪糕呢啲选择，但因为我冇食，因此都冇特别介绍好唔好食。雪糕上次光顾有食过，我嫌太水，唔挺身，冇咩雪糕口感。
雪柜好够冻，所有肉类会另放一个大雪柜，当你食完自己枱面个啲，可再叫侍应俾多（数字）版你。我好放心啲食物唔会变坏。
但海鲜类就唔肯定新鲜定唔新鲜，因为行过海鲜类附近，好大阵腥味，我唔太想试。
整体我觉得系食得过，价钱相宜，食物种类（主要蔬菜类）选择多。
座位偏窄，要经常行出去夹食物，唔可以一个人夹两碟食物，枱面冇位放。
空调都足够，唔会食到成身汗。
有一点我唔太喜欢，系清洁！环境整体系干净企理，但我一边食，一边闻住食肆员工用漂白水布抹枱（俗称:返枱），食得唔多滋味，有点影响食欲。
差点漏左，价钱牌上价钱未计加一服务费！
放题时间限时90分钟。
题外话，呢间食肆冇参加【大晒鬼】计划，就算食唔完都唔会收费，靠顾客自己自律，食几多拎几多，尽量唔浪费食物。
而家正值夏天，我未必会再黎呢间打边炉，冬天可以考虑下。但两次黎，食物种类冇特别增加，有点失望。🙄打边炉有好多食肆都有，若然想食，我会想试下其他店舖。
再光顾可能性:（为最高）
张贴
