筷賞 (已結業)

以前嘅邮政局喺Tko Gateway翻新后变成小餐厅小食舖或店舖，其实间唔中都会嚟呢度买烘焙用品但就无喺呢啲舖头食过嘢，其中原因系呢度食肆多数都系外卖或者座位较少。今日又系有烘焙用品要买就捉咗两个同事陪我嚟呢度食嘢。拣呢间原因系位置算多，食物选择都算多，价钱都几抵。当日午餐下午餐我哋都无拣，拣咗餐牌上其他食物，因为涷饮都只系加$3，我觉得食物味道一般，份量正常，价钱合理。牛乳滑蛋盖饭配蒲烧鳗鱼，蛋够滑，鳗鱼质素麻麻。金菇肥牛炒乌冬，颜色同味道都淡咗啲。大虾海鲜忌廉煮意粉，只虾唔系大虾同埋好干，有啲八爪鱼仔喺意粉，味道可以。