韓閣 (已搬遷) 新店位置

见呢几日天气凉凉地就好想食韩国菜。经过呢间韩国餐厅，见个价钱都算合理，就决定同朋友一齐试吓。朋友叫咗呢个泡菜五花腩铁板饭。用铁板嘅方式上五花腩真系非常特别，上枱嘅时候仲渣渣声。肉，系用咗真正嘅五花腩肉，而唔系平时普通个d薄切猪肉片。佢唔算话好辣，适合唔系好食得辣嘅朋友。肉加埋个酱汁，用嚟送饭一流不过要提醒一下，饭系要加$5先有。而我就叫咗呢个岩浆炒饭。鸡蛋嘅味道十分之出，配合埋芝士一齐食，真系好邪恶。炒饭系泡菜炒饭，但系要赞赏嘅系入边竟然有几块五花腩肉，完全系意料之外。另外，我地仲叫咗一个蛋卷。蛋卷加上明太子嘅咸香味，食落好夹。总括来讲，呢间舖头嘅价钱相对上比较平，但系都能够提供到唔错嘅韩国菜，而且店员嘅态度非常亲切。途经荃湾嘅，可以一试啰。