焗廚 (已結業)

今日Lunch time经过呢间位于路德围既小店，焗厨，饮食男女有介绍过所以入去试下而且路德围对我黎讲无咩野食，全部都系米线店，难得揾到间西餐，荃湾区黎讲算平～～～ 入到去店面唔算大，墙贴满左好多menu 同 厨师推介，感觉好缤纷又带点简单，位置虽然唔大但坐得几舒服。睇睇午餐Menu，好多选择，有选择困难症既我拣左好耐，最后拣左个卡邦尼忌廉烟肉意粉，加钱要左个红汤汤好足料，好有罗宋汤味酸酸甜甜又唔咸，好饮之后主角卡邦尼意粉，卖相好靓，有好多洋葱同烟肉系上面，意粉煮得岩岩好，好弹牙，食到我成嘴都系酱，卡邦尼同忌廉味好够，汁都好多，份量好足够，食到我超饱同埋个女侍应都几有礼貌，起码唔系hea个D，见我无水又主动倒水比我，野食黎又叫我小心热，笑容几好，d员工都系后生仔女，几主动，呢样野抵赞同埋餐厅环境好干净，洗手间都好干净，同有香味我觉得呢个价钱系荃湾区算系平，下次会再黎试个晚餐，因为我见到款式好多，好多野都好想试以这个价钱和服务，我认为是用餐的不二之选。食完又要继续努力工作了，