花都餐廳

由细到大都食过唔少扒房同西餐，哩间真系价钱合理又高质，食得好满足。首先值得一赞嘅系忌廉汤。个汤好热、好creamy、好浓厚，超好饮。个蒜蓉法包好香脆，好好食，食完之后好期待食正餐。块西冷牛扒果然有水准，一送上嚟卖相已经好吸引。识食一定系食用碟上嘅牛扒。块扒表面嘅色泽煎得好靓，令人好有食欲。只有好嘅牛扒先可以用碟上，切开后嘅牛扒嘅切口好粉嫩，睇得出肉质好掂，系一块靓扒。块扒摆到入口真系冇得弹，肉质鲜美柔软，唔需要过多咀嚼就融化喺口腔度。外面酥脆香口、里面鲜嫩多汁，配搭香浓嘅烧汁，真系停唔到口。而意粉都整得几好，唔似一啲西餐求求其其。佢啲意粉好有弹性，好食。咁嘅质素收咁嘅价钱我觉得好合理，今次总体嚟讲我好满意，下次会试埋其他扒。