品蓮素食 (已結業)

今日落开嚟深水埗，见到依间素食餐厅系新开嘅，决定去试吓。铺面唔算大，应该只可以坐到 40-50人，六点几去到，有大约十个人到。叫咗两碟饭，唔算好大碟，但以三十几四十蚊嚟讲绝对合理，跟例汤。味道偏向清淡，对于我嚟讲绝对适合。始终新开，运作上有啲问题，不过大家都系乐意去服务啲客，只不过系未熟手。虽然唔喺大街，不过西九行过去都唔驶十分钟，要揾素食店嘅，其实唔算远，有时真系方圆半个钟都冇啱心水。食物冇落蒜，亦见到有佛像同观音，所以我估计应该系斋菜嚟。埋单找数先发现新张期九折，亦免加一，所以两碟饭只系 $70，真系好抵。下次我落开深水埗嘅我会再帮衬。