影片
更多
2022-05-30
1051 浏览
同同事中午嚟食饭，有人揸车我当然ok喇！商场有免费泊车，平日每消费满$200可享1小时免费泊车，最多免3小时。星期六日及假期都有，只系消费额要高啲。平日set lunch有4个价钱，每个价钱都有3款主菜拣。分别系$108、$128、$168同$228，另加10%服务费。套餐包餐汤/沙律、主菜同餐饮。我叫咗沙律、芝士猪肉汉堡饱配薯条、热咖啡。沙律菜好新鲜，但系个芝麻酱略咸。芝士猪肉汉堡望落去都算厚。芝士似系落镬煎过，同猪肉融合得唔错，而且㶶檂地几好食。猪肉汉堡同平时食嘅牛肉汉堡质地有啲唔同，看似打得好烂，又好似湿咗嘅猪肉松咁，几得意。味道系唔错，有BBQ酱，不过又系浓味咗些少。薯条好热，摊冻些少食真系可以用外脆内软嚟形容，唔点茄汁都好好食。咖啡就正正常常，系细杯咗啲。其实餐厅环境不俗，灯光暗暗地，好啱同朋友一路食一路倾计。可惜下昼要返工，唯有揾日放假再嚟过。
平日set lunch有4个价钱，每个价钱都有3款主菜拣。分别系$108、$128、$168同$228，另加10%服务费。套餐包餐汤/沙律、主菜同餐饮。
我叫咗沙律、芝士猪肉汉堡饱配薯条、热咖啡。沙律菜好新鲜，但系个芝麻酱略咸。
芝士猪肉汉堡望落去都算厚。芝士似系落镬煎过，同猪肉融合得唔错，而且㶶檂地几好食。猪肉汉堡同平时食嘅牛肉汉堡质地有啲唔同，看似打得好烂，又好似湿咗嘅猪肉松咁，几得意。味道系唔错，有BBQ酱，不过又系浓味咗些少。薯条好热，摊冻些少食真系可以用外脆内软嚟形容，唔点茄汁都好好食。咖啡就正正常常，系细杯咗啲。
其实餐厅环境不俗，灯光暗暗地，好啱同朋友一路食一路倾计。可惜下昼要返工，唯有揾日放假再嚟过。
张贴
