一人燒肉屋

营业中

休息中

呢间新开嘅店，唔知系宣传唔足定系入口唔明显，平日晚饭时间嚟呢度食嘅人似乎都唔多，所以员工同老板都好愿意同我哋倾计餐厅装修围绕著日本风呢个主题，枱櫈基本上都系木制品或者至少系木嘅啡色，话呢间店系日式烧肉完全冇问题另外店内有一个社区钢琴，开放俾食客随意弹，不过同样哋冇乜人食嘢自然都唔会有人弹钢琴讲翻嘢食，今次同家母一齐食嘢，所以点咗B2牛五花拼黑豚五花(200g)同埋C1牛五花拼牛小排牛板腱(150g)两个餐，所有肉都好确定有中上水准，食起嚟同其他烧肉店提供嘅相似，但系因为唔系放题所以价钱更亲民，另外我食完手边嘅饭之后觉得唔够，老细仲免费帮我添咗一大碗，服务确实周到，完全食得饱店内有免费WiFi，一问就可以攞到密码，不过可能系我坐得嚟AP比较远，讯号唔系特别好，1080p YouTube时不时要加载。另外卡位除咗有梳化坐之外仲有免费插座可以随意叉电，加一服务费唔觉蚀整体嚟讲今次体验都相当满意，确实可以推荐其他人嚟食。