影片
更多
2024-10-26
1966 浏览
电话预约订枱，去到酒楼，安排了近电视那边，因为有小朋友不想他们太近看电视，所以要求转枱，但蓝色衫应该系经理嘅男职员走过来话：另一张枱无咁大。佢知我地因为部电视嘅问题而转枱，佢主动就话可以熄电视。跟住职员帮我地搬位（因为当时已转了枱开左茶，洗紧杯和碗）仲有，家人觉得冻，又即时去调教冷气温度，服务非常好首先嚟这碟鲜菠萝拔丝咕噜肉个咕噜肉真系好拔丝，拉到丝好脆口，好惹味，啖啖肉（平时食嘅好多骨）出边好少食到呢种感觉，仲有个新鲜菠萝好鲜甜，唔会系浸糖水个只甜，亦无酸味。再上嘅系龙虾晚饭四宝（1）上汤西澳洲龙虾伊面底（加左芝士，$30）龙虾啖咪肉，伊面同芝士汁好夹，多人唔够食添呀加钱转芝士，系明智，因为超好味（2）海南文昌鸡半只有啲淡口，无乜特别，姜蓉好咸，唔点姜蓉又无乜味（3）海皇杂菜煲有几款菜，任君选择，排得好靓好齐正，加埋中间嘅海鲜：带子，珊瑚蚌，虾（少少雪藏味未僻好）（4）清蒸游水蓝瓜子鱼肉鱼甜，size唔算大，因为有其他𩠌，大家都唔太好鱼，所以够食（浅尝）继续散叫小菜：云耳白合炒莲藕呢一碟全部都好啱大人细路食，正常味道，好快俾我地食清光红烧杂菌豆腐呢一碟个豆腐烧得好滑，好惹味仲要大大碟
仲有，家人觉得冻，又即时去调教冷气温度，服务非常好
首先嚟这碟鲜菠萝拔丝咕噜肉
个咕噜肉真系好拔丝，拉到丝
好脆口，好惹味，啖啖肉（平时食嘅好多骨）
出边好少食到呢种感觉，仲有个新鲜菠萝好鲜甜，唔会系浸糖水个只甜，亦无酸味。
再上嘅系龙虾晚饭四宝
（1）上汤西澳洲龙虾伊面底（加左芝士，$30）
龙虾啖咪肉，伊面同芝士汁好夹，多人唔够食添呀
加钱转芝士，系明智，因为超好味
（2）海南文昌鸡半只
有啲淡口，无乜特别，姜蓉好咸，唔点姜蓉又无乜味
（3）海皇杂菜煲
有几款菜，任君选择，排得好靓好齐正，加埋中间嘅海鲜：带子，珊瑚蚌，虾（少少雪藏味未僻好）
（4）清蒸游水蓝瓜子
鱼肉鱼甜，size唔算大，因为有其他𩠌，大家都唔太好鱼，所以够食（浅尝）
继续散叫小菜：云耳白合炒莲藕
呢一碟全部都好啱大人细路食，正常味道，好快俾我地食清光
红烧杂菌豆腐
呢一碟个豆腐烧得好滑，好惹味仲要大大碟咁多件，我自己都食左3件豆腐
脆皮烧鹅半只
一入门口已经见到好多未烧嘅烧鹅挂住系厨房（透明玻璃见到，都几有气势）
今次叫半只试下，都食唔晒，啖啖肉，烧得好香好惹味
即叫即蒸蟠桃一打
大人细路都钟意食，里面蛋黄好新鲜，漏晒油（平时食嘅蛋黄系实的的，又硬，好似放左好耐咁）莲蓉馅又多又唔算太甜到漏个款，好味食剩就打包
职员最后送上免费红豆沙，有啲酒楼，送嘅糖水系唔好食，一系太水，一系太杰（好似煲干左嘅感觉），但呢一碗红豆沙，唔会太水＆太杰，真系超好食，唔太甜
是晚我地叫左8𩠌1打蟠桃，另外叫了2支雪花啤酒1罐可乐，职员最后送糖水，要左3个外卖盒装蟠桃拎走，8个人都食得好饱，好啱食，全部热辣辣咁送上，上菜速度啱啱好
走剩我地最后一枱客，时间大约晚上9：40，职员无催我地埋单，价钱仲要好合理，可以话抵食（平时系贵格唔饱，但今餐真系够食又唔贵，仲要职员都好好人，走过来吹下水问下啱唔啱食，又送左汽球俾小朋友，真心推介）
张贴
