海盜王餐廳

营业中

休息中

之前听过下朋友分享，话呢间既西式野几好食，经过都见几多人，就入去试下啦。咁岩隔离枱就问侍应生，呢个肉眼扒同午餐个牛扒有咩分别，侍应姐姐有讲解佢知既。午餐好似平十几廿蚊，咁我就装下人地个餐同我果个啦，目测午餐牛扒就似西冷，应该un少少，厚少少。以卖相嚟讲，我觉得个肉眼扒餐比较靓仔，牛扒个肉质腌得少少淋，仲有d咬口，味又唔会好过份，黑椒汁都好有质感，唔似其他茶餐厅有加粉果d杰身一pat，薯条仲热，餐包嚟到仲系暖身，有蒜蓉牛油香味，蕃茄忌廉汤几浓味，好饮。杯冻啡就不觉不失。用价钱嚟比较食物质素，我会比八十分，水准以上。值得再帮衬既小店。