三姐松記糖水 (已結業)

喺深水埗食完饭，当然要去附近嘅甜品铺头试吓啲糖水啦，经过一间叫做《三姐松记糖水》，门口摆放嘅甜品图片非常吸引，急不及待入去坐低食。因为我朋友比较钟意食心太软，所以一早已经叫定左，大约等15分钟已经有得食啦。最后我哋拣咗「Baileys朱古力心太软」，比起特浓心太软贵＄10，卖相吸引之余，仲有云呢拿雪糕伴随，两者一齐食可以中和味道，心太软外皮香脆，朱古力酱非常浓郁。我就叫咗「法式焦糖炖蛋伴青柠雪芭」，焦糖炖蛋表面香脆鲜甜，配以底下好滑嘅炖蛋一齐食，非常滑溜嘅口感。除此之外，好少食到青柠味道嘅雪糕，食落去味道淡淡地好清新。最后叫咗一set「芒果出奇蛋」，入面分别有三款甜品，分别系芒果班戟一件、杨枝甘露同埋鲜芒果雪糕，对于芒果迷嘅我们当然感到惊喜，最重要食落去芒果完全唔酸，非常新鲜。最后食咗三款甜品埋单都只系＄150有找，每人平均消费都系＄75，而且价钱合理，难怪全场满座。