影片
更多
2014-05-14
6459 浏览
母亲节活动, 离不开一家大细齐齐正正食餐饭. 每次去酒楼都系一样既套餐, 讲真我真系唔多钟意, 太闷啦. 试过食西餐, 但又发觉好难倾到偈, 所以今年都系拣返中餐... 今年冇Book酒楼, 冇房冇得唱K冇得打麻雀, 荃湾工厂大厦里面既中餐私房菜, 好似话食物唔错, 价钱又实惠!上到餐厅发觉佢既装修同一般平民酒家冇乜分别, 以为会好家庭式或者小规模, 佢有成十几张枱!坐低就先上个凉伴菜食住先~~ 凉伴凉瓜, 青瓜个凉伴汁好香, 有啲花椒油既香味, 加埋醋, 好醒胃!凉瓜唔会太苦, 甘甘地; 青瓜焾咗啲, 爽啲会仲好食~ 准山螺头猪骨鸡脚汤老火汤, 煲得好出味, 冇味精, 家庭式, 好味道 姜葱火腩鲍鱼煲一上枱, 香气扑鼻, 香葱同蒜头真系冇得输~鲍鱼, 就算佢介开咗都咬唔开, 索性成只摆入口咬, 儿? 估唔到又几焾㖞~~! 虽然鲜鲍个味其实唔系好出, 但新鲜既质感又唔同既, 加埋香口既姜葱蒜都几好味~火腩, 其实先系呢碟𩠌既重点~个皮有啲烟韧, 好香, 啲肉好焾, 唯一系咸咗啲, 食唔得多~ 青芥辣牛柳粒个样咁肉酸既... "哦?" 又几好味㖞!!佢系生洋葱, 生青椒, 加牛柳
每次去酒楼都系一样既套餐, 讲真我真系唔多钟意, 太闷啦.
试过食西餐, 但又发觉好难倾到偈, 所以今年都系拣返中餐...
今年冇Book酒楼, 冇房冇得唱K冇得打麻雀,
荃湾工厂大厦里面既中餐私房菜, 好似话食物唔错, 价钱又实惠!
上到餐厅发觉佢既装修同一般平民酒家冇乜分别,
以为会好家庭式或者小规模, 佢有成十几张枱!
坐低就先上个凉伴菜食住先~~
凉伴凉瓜, 青瓜个凉伴汁好香, 有啲花椒油既香味, 加埋醋, 好醒胃!
凉瓜唔会太苦, 甘甘地; 青瓜焾咗啲, 爽啲会仲好食~
准山螺头猪骨鸡脚汤老火汤, 煲得好出味, 冇味精, 家庭式, 好味道
姜葱火腩鲍鱼煲一上枱, 香气扑鼻, 香葱同蒜头真系冇得输~
鲍鱼, 就算佢介开咗都咬唔开, 索性成只摆入口咬,
儿? 估唔到又几焾㖞~~! 虽然鲜鲍个味其实唔系好出,
但新鲜既质感又唔同既, 加埋香口既姜葱蒜都几好味~
火腩, 其实先系呢碟𩠌既重点~
个皮有啲烟韧, 好香, 啲肉好焾, 唯一系咸咗啲, 食唔得多~
青芥辣牛柳粒个样咁肉酸既...
"哦?" 又几好味㖞!!
佢系生洋葱, 生青椒, 加牛柳粒既沙律!
生洋葱固之然会口臭, 又会辣, 但都好清甜, 忍唔住越食越多!
生青椒亦固之然会有草青味, 但加埋所有嘢一齐食都好衬~
(加上我其实OK钟意食生洋葱同生青椒, 因为感觉好夏天~)
牛柳粒就一般, 冇乜牛肉味..
但个汁好得, 芥辣加沙律酱真系好好味~!
芝士龙虾 (伊面底)主角嚟啦!! Wao~ 好大啖肉呀!!
话说皇太后 (我亲爱既婆婆) 好钟意食芝士龙虾,
所以系每年大餐都必定会出场既一道菜,
但近呢几年酒楼既质数下降了不少,
成日都剩系得个壳, 好耐冇见过咁大只, 有咁好肉地既龙虾啦!
呢只龙虾好好肉, 就算走油走得干咗少少咁多多, 但都好好味!
个芝士汁反而唔系好够芝士味, 似忌廉汁多啲, 冇预算中咁香~
个伊面底都唔错, 唔太焾, 份量又多, 正!!!
蒜茸粉丝蒸扇贝好开心呀, 劲多, 系劲多蒜泥!!
蒸新鲜既扇贝边有唔好食架~
不过美中不足系, 蒜泥好咸吓,
冇叫白饭送, 真系有啲浪费~
(所以我留返啲蒜泥, 食鱼𠮶阵照捞埋嚟食, 好味道)
清蒸海鱼好大条鱼, 有啲担心会唔会好老, 又会唔会唔熟..
OMG, 又真系利害㖞! 蒸到啱啱好, 真抵死!
鲜甜美味~ LIKE!
菜胆上汤鸡有偏见, 见到个咁闪靓靓又"杰"既芡汁, 实在不太喜欢
食落觉得冇乜鸡味, 不过都几滑, 菜冇乜特别, 一般.
花雕蛋白蒸蟹个样好吸引, 用蛋白垫底唔错, 可以吸哂啲蟹味又唔怕太高胆固醇
可惜啲蟹洗得唔干净, 啲蟹脚直头有泥, 所以有啲蛋白都唔敢食
蟹本身好甜, 啲膏都好香, 但实在洗得太求其..
清菜时菜菜本身唔需要特别写, 但佢炒得好油.. 所以要弹一弹..
糯米饭呢个糯米饭就梗系比唔上我妈妈整𠮶啲啦,
但系出街食计, 佢算好食, 特别系个润肠, 超香
亦有好多花生同葱花, 侍应亦应我地要求俾多碗花生我地,
仲话食糯米饭, 花生真系唔少得, 好识做~
不过糯米煮得太焾, 冇乜咬口, 唯有系味道搭够, 尚算合格
虽然地点系唔就脚架啦, 但整体水准不错, 经济实惠, 还是有机会再帮衬的~~
张贴
