宮葉 パフェ (已結業)

一点几黎到宫叶，已经要排队等入去。早知早少少黎。等左一阵，终于有位。呢度既野价钱合理，食完餐仲可以拣甜品，所以我谂应该系咁先好多人黎。叫左个咖哩牛肉丼。好快上菜。日式咖哩普遍系甜d，冇乜辣。但呢度整到甜之余，辣味调得啱啱好，呢种咖哩味系我钟意既日式咖哩，唔错！温泉蛋同饭捞埋一齐食，好味，几时都觉得蛋系万能的。蛋，饭，再加埋咖哩，个香味即刻出晒黎，排队食系值得既！食完已经饱饱地，因为份量都算多。但因为比佢个甜品吸引左，一定要叫个甜品黎食。野食50蚊以内，甜品都差唔多，野食加甜品都净系一百蚊，食日本料理，有野食同甜品，其实价钱真系好合理。叫左个宇治抹茶。正呀！卖相已经好吸引，抹茶雪糕，小丸子，水蜜桃，啫喱，红豆，蜂巢饼等等，好丰富，好多野食，50蚊，之前去过一间日本料理，呢碗野至少80蚊，所以呢度真系一个字，好抵！雪糕唔会太甜，加埋蜂巢饼个味道好夹。小丸子都好弹牙，仲有个栗子，口感松软味道甜，食到好满足。食完个甜品真系会觉得超饱！好抵食，今日食过最抵既一餐！