Cafe Paradise (砵蘭街) (已結業)

第一次去呢间餐厅食饭，下午一点几去到就已经全院满座，等咗一阵就已经有位。呢间餐厅虽然面积少，但啲枱都好多下，所以感觉有啲局促，而因为佢地最出色嘅系石烧美国牛肩扒，所以都好多人叫，但亦都令到间餐厅充斥着好大嘅油烟味。我一行两人，叫咗一个All Day Breakfast 同一个石烧美国牛肩扒套餐。首先个All Day Breakfast 就好快已经上枱，食物质素系唔错，份量亦都够大，相信两个女人食一个都已经会够饱。但另外叫嘅石烧美国牛肩扒就等咗好耐先上到枱，基本上系个All Day Breakfast 食咗3/4先上到黎。第一次玩呢啲石烧嘅牛，确实系几过瘾，可以根据自己想要几成熟嘅牛而去自己用热石烹调。但亦都可以食到旧牛其实无咩牛味，口感叫做过得去。去到埋单，两人食咗约200蚊唔使加一，我自己个人觉得呢个价钱呢种质素都算合理，但如果有追求生活品味或者食物质素，可以选择其他餐厅。