Foodbox (海光街) (已結業)

一直同朋友去完韩国食左酱油蟹番到黎香港都好想再食多次，今次终于有机会食，不过系食酱油虾同鲍鱼。呢个酱油虾鲍鱼set系包埋紫菜饭同埋紫菜，会有个韩国oppa会帮你搣埋虾壳，仲会帮你将啲虾同鲍鱼剪成一粒粒，仲会话埋知系点样食，贴心到爆。酱油虾味道好入味，食落去几新鲜。鲍鱼可能我系钟意食熟所以我觉得口感一般般，但味道都几好。个韩国oppa同我地讲话将啲虾摆落个紫菜饭到捞埋一齐，再用紫菜包埋啲饭一齐食。对于我呢啲钟意食韩国料理既人黎既，真系好好食，停唔到口。我地仲叫左个年糕，年糕我觉得味道咸左少少，同埋年糕唔系好入味，可圈可点。如果要去食酱油虾同鲍鱼，要打去同佢地讲预留同埋订位，就咁Walk-in系无得即刻叫食同埋佢地都几多人去食，如果walk-in好大机会会无位，因为舖面细，坐既位唔多。