丼家和食 (已結業)

之前食过一次晚市，落品已经有甩漏，今次谂住俾多次机会试吓午市外卖，点知更失望。一入去我就拎住张传单指住午市套餐嚟叫，每个餐有沙律同面豉汤，我叫左三文鱼亲子丼同极上海鲜丼，套餐价应该系$58 & $138，我冇为意就俾左钱转头返嚟拎。点知原来店员同我落单落咗正常价钱嘅丼，冇沙律面豉汤之余$78 & $128，足足贵左10蚊同埋极上海鲜丼少块拖罗（套餐先有）。正常餐厅正值午市时间都应该会落抵啲平啲嘅套餐，更何况店员望住我指住个页都可以落左正常价，我唔知有心定无意啦。返到屋企打开睇更加失望，极上海鲜丼嘅海胆唔甜，三文鱼子又细粒，三文鱼劲薄冇味，油甘鱼有筋，帆立贝冇味，完全唔觉得佢配得起极上依个字同$128依个价，份量又少。三文鱼亲子丼一样，三文鱼都系薄同三文鱼子唔鲜味，同样唔系$78嘅货色。经过2次体验之后，我应该唔会再惠顾。你话系唔系好差，又唔系，但绝对唔配呢个价钱。