影片
更多
2011-09-27
18 浏览
其实呢个间火锅店, 一直想试好耐, 因为对佢感觉似同区其他同级的火锅店, 所以有一晚同朋友, 重要特登等晚上9:30后特价时段去试.不过唔去由自可, 真系一去.... 首先佢有个肥牛+象拔蚌餐, 标左168元, 但原来唔系, 系要加100元(个一百蚊佢系一张图), 合共268元先有呢个餐, 如无细心睇, 有d令人误导, 不过算啦, 当我睇错眼大睇过龙, 都由佢.跟住有个人无啦啦走过黎话我系咪叫左个餐, 多加一碟牛肉, 我地话无, (根本未填叫菜纸) 张纸都唔系我地填, 系上一手. 佢话明白, 又走左去.跟住佢上左一碟肥牛, 心谂都ok㖞, 食左一半伙计又椤多碟牛肉黎先讲, 果碟唔系套餐, 呢碟先系, 重死坳话我地叫左两碟, 一个餐, 一个百几蚊的手切肥牛, 我地话无, 佢死话有, 大佬, 我系客, 咁你系咪应该查清楚先? 我叫佢check单, 佢又无, 后来我朋友话算啦, 反正都食左, 又会叫多碟, 就叫佢放低, 虽然我都系一样谂住叫多碟, 但咁屈法条气老实讲真系唔多顺. 因为我九成肯定佢椤左头先张纸当系我地.再讲番质素, 牛肉唔算ok, 但都可以接受(系贵果d款牛肉), 但我觉得出面
不过唔去由自可, 真系一去....
首先佢有个肥牛+象拔蚌餐, 标左168元, 但原来唔系, 系要加100元(个一百蚊佢系一张图), 合共268元先有呢个餐, 如无细心睇, 有d令人误导, 不过算啦, 当我睇错眼大睇过龙, 都由佢.
跟住有个人无啦啦走过黎话我系咪叫左个餐, 多加一碟牛肉, 我地话无, (根本未填叫菜纸) 张纸都唔系我地填, 系上一手. 佢话明白, 又走左去.
跟住佢上左一碟肥牛, 心谂都ok㖞, 食左一半伙计又椤多碟牛肉黎先讲, 果碟唔系套餐, 呢碟先系, 重死坳话我地叫左两碟, 一个餐, 一个百几蚊的手切肥牛, 我地话无, 佢死话有, 大佬, 我系客, 咁你系咪应该查清楚先?
我叫佢check单, 佢又无, 后来我朋友话算啦, 反正都食左, 又会叫多碟, 就叫佢放低, 虽然我都系一样谂住叫多碟, 但咁屈法条气老实讲真系唔多顺. 因为我九成肯定佢椤左头先张纸当系我地.
再讲番质素, 牛肉唔算ok, 但都可以接受(系贵果d款牛肉), 但我觉得出面同价的牛肉比佢会更好.
个象拔蚌都算啦, 唔太靓, 唔爽口, 应该唔系新鲜了, 所以唔敢生食.
肥鹅肠, 系有肥膏, 但好似痴上去咁, 条鹅肠干晒身, 好似漂过咁, 同出面任食果d无膏鹅肠无分别.
鱼片同鳝片呢, 不见新鲜, 而且有腥味.
炸鱼皮, 脆, 但无味.
墨鱼丸, 系弹牙, 但又系无味.
云吞水蛟真系要炳!!! 特价时段要58元一碟! 但质素差到呢! 超市买即食果d重好过佢!! 虾毛都无不单只, 重只得猪肉, 有雪味, 重要系 "梅" 既! 但已经放晒入锅滚, 想退都无.
跟住又无啦啦比左碟鸡片我地, 我又问伙计你地又 "送" 野我食呀? 之后佢收左碟鸡片, 取消左. (成日都比错单??)
果酌凉茶=糖水....38蚊.....但质素同任饮又系无分别....
其他食物我都唔想再讲, 可以一句讲晒, 个样有d系砌得几好, 但味道同新鲜完全系唔合格!
服务就一般, 唔算串同黑面, 都好快手, 但人手明显唔够.
到最后埋单, 三个人, 叫左大约八至十碟野, 除左个套餐同包括一碟百几蚊既牛肉, 要千几蚊!!!???
再细心一睇, 佢系菜系特价平d之外, d咩鱼片, 丸呀, 重有果碟好难食既云吞, 平均一碟要58元!!!
讲真! 打边炉系贵我预左, 但一来特价时段同正价时段价钱无咩分别, 二来咁价钱食咁质素!!!???
我行过后面街, 或者行前两条街, 我都食到平过佢同好过佢啦! 佢d质素, 同任食火锅真系有得比!
重有, 佢系只收现金, 唔收咭, 好彩我够钱, 但今时今日, 一间楼上食店(唔系快餐), 重无咭碌? 好似out左㖞. (如果佢系好似大荣华果d出名既我无得讲)
最后我问个伙计(我估系事头婆), 点解特价都咁贵? 同埋个牛肉套餐标示个价钱好易引人误会, 佢系咁讲唔好意思, 可能佢写得唔好咁咁咁, 呢个算啦, 其实我都想知下姐, 佢都无话好串.
所以, 呢间火锅店佢服务都算系咁, 我无话佢衰, 但问题系食物同价钱不合正比, 令我无下次帮衬了, 我宁愿行去食碗云吞面(都系十几蚊), 都唔会再食呢间, 因为质素同价钱真系好唔得, 完全唔掂! (唔怪得成日都见佢唔客满啦.....)
呢间系我唯一一间在旺角 Black List 既火锅店!
张贴