Kuru Kuru自家製手作意粉 (已結業)

有次食饱野经过呢间，睇一睇个餐牌好似啲意粉都唔错，个价位四十几至六十几，就决定揾日黎试下。今晚终于都黎左，7点半左右，多人但未满，唔驶等，即入座。仔细睇住个餐牌先发现原来唔系好拣得落手，都系啲普普通通既意粉，配料都系肠呀番茄呀西兰花咁，仲要加一，即系都成五十蚊一个冇特别既意粉。加18蚊有埋沙律菜同饮品，不过我地冇加。总括黎讲得3个字: 真系唔抵食。份量少，结果我地要去附近某家私店再食热狗，仲见返头先另一个女食客都黎左家私店食… 环境方面就系好似某连锁汉堡包店咁，但仲要加一，又冇服务。连印花卡都冇拎走，即系唔会再黎，下次直接去家私店食算。