迎‧潮 (已結業)

呢日系亲戚嘅60 岁大寿，咁大件事，梗系要成个family一齐庆祝下啦，主人家都揾埋D亲戚朋友一齐食，场面都几震撼开之席前有麻雀局，岩晒长辈们一齐聚下过下手瘾～我都好想打不过边够D长辈黎呀入席后有得任饮汽水同埋啤酒。酒楼环境唔错。当晚我地系包厅，夹埋有6席。呢餐个菜单都好丰富，样样都系贵野完全系豪气嘅表现：富贵大红袍碧绿蚌片桂花蚌百花酿蟹钳玉环瑶柱脯竹笙海皇翅鲍鱼菇扣玉掌清蒸珍珠趸当红脆皮鸡飘香荷叶饭寿桃冰花炖雪燕因为咁多长辈系度，我就唔方便系咁攞部手机出黎系咁影相啦，废事咁失礼。当中我最钟意食嘅就系当红脆皮鸡。其实咁多种肉之中我最钟意嘅就系鸡。而呢只脆皮鸡外脆内软，又好入味，果然贵野都真系有好野鲍鱼菇扣玉掌，鲍鱼菇口感弹牙可口又鲜味，搞到食完仲好想再食，可惜数量唔多，唯有停手飘香荷叶饭，个人几钟意食荷叶饭，但因为佢永远都系后期先会上枱，前面D𩠌太丰富，大家已经会食饱晒，所以通常剩返好多，今次都唔例外。今次个荷叶饭都高质，味道几香，清清地唔会太油。外卖走都唔错～今餐菜式味道好，包厅都安排得舒适，虽然价钱都几贵不过系特别日子，都值得嘅。