Mak Mak (已結業)

星期五晚食饭，因为落雨，所以拣间喺商场入面既餐厅。呢间泰国菜喺 Landmark，价钱又唔贵，就试试~虽然地方唔大，但都几舒服。两个人试左3样野，先系前菜 THOD MAN POO。蟹肉比虾肉多，都几鲜味，配酸甜汁好开胃，但就唔系好弹牙。之后试左GAENG PHED PED YANG，红咖喱偏甜，一啲都唔辣。鸭肉有啲老，肉质麻麻地。个人就唔钟意😅仲试埋PHAD SEE EAW (Pork)，即系湿炒猪肉河，调味做得好，好惹味。系用正宗泰式河粉，一块块既，好薄好滑，炒得好好，不过猪肉既肉质就有少少柴。整体黎讲，中环 Landmark 呢𠮶价位，算系唔错既选择。