影片
更多
2023-04-23
33 浏览
朋友喺附近返工，今日去左佢地头试吓有咩新餐厅食。俾我哋经过咗呢一间巴刹鸡饭个名好似几特别，一于入去试吓，工业风嘅装修自己好钟意。我哋两个叫咗: 巴刹鸡捞面($48):巴刹鸡我谂系佢哋嘅招牌菜，好似海南鸡咁样亦都煮得滑身同埋好嫩。鸡件份量都算几多，而且捞面味道啱啱好唔会过咸或者过淡，面身煮得几好，自己唔钟意啲好淋嘅面，所以呢一个配搭几好。男士嘅话可能会略嫌一碗份量唔太饱肚，可能要配搭一个小食。山打根皮蛋饺汤面($46): 呢个系俾佢个名吸引咗所以叫嘅，上菜嘅时候一碗汤面有四粒皮蛋饺，食落去其实同普通饺子唔系好有分别，都系包咗猪肉，只系多咗一粒皮蛋系中间，钟意食皮蛋嘅可以试下，因为皮蛋味都算重嘅，而且出边好似冇乜呢一个配搭。如果想食嘅可以叫一碗净皮蛋饺，因为汤面嘅汤底比较淡，自己加咗佢哋秘制嘅酱油落咗少少味。炭烧沙嗲猪同鸡(各三串) ($88): 真系用炭炉上嘅，感觉好的骰好特别。见到真系烧咗有窿边，食上去好有炭烧味，再配上沙嗲酱好似去咗泰国食串烧咁样，感觉都好地道。猪肉亦都食唔到有筋，每串大概有四旧左右，啖啖肉。咖央手抓饼($28): 搽咖央喺手抓饼上面再配上椰丝同埋芝麻呢个组合都几特别
我哋两个叫咗:
巴刹鸡捞面($48):巴刹鸡我谂系佢哋嘅招牌菜，好似海南鸡咁样亦都煮得滑身同埋好嫩。鸡件份量都算几多，而且捞面味道啱啱好唔会过咸或者过淡，面身煮得几好，自己唔钟意啲好淋嘅面，所以呢一个配搭几好。男士嘅话可能会略嫌一碗份量唔太饱肚，可能要配搭一个小食。
山打根皮蛋饺汤面($46): 呢个系俾佢个名吸引咗所以叫嘅，上菜嘅时候一碗汤面有四粒皮蛋饺，食落去其实同普通饺子唔系好有分别，都系包咗猪肉，只系多咗一粒皮蛋系中间，钟意食皮蛋嘅可以试下，因为皮蛋味都算重嘅，而且出边好似冇乜呢一个配搭。如果想食嘅可以叫一碗净皮蛋饺，因为汤面嘅汤底比较淡，自己加咗佢哋秘制嘅酱油落咗少少味。
炭烧沙嗲猪同鸡(各三串) ($88): 真系用炭炉上嘅，感觉好的骰好特别。见到真系烧咗有窿边，食上去好有炭烧味，再配上沙嗲酱好似去咗泰国食串烧咁样，感觉都好地道。猪肉亦都食唔到有筋，每串大概有四旧左右，啖啖肉。
咖央手抓饼($28): 搽咖央喺手抓饼上面再配上椰丝同埋芝麻呢个组合都几特别，自己都几钟意，首先咖央酱唔会太厚，配上新鲜煎起嘅手抓饼脆脆地而且好松亦都唔算太甜。如果可以再切咗先上菜嘅话会更加好
冰菊普洱冷泡茶($20): 饮品先上，系用茶包冲嘅，冇加糖架(好唔钟意啲冷泡茶入边会加糖嘅舖头)。冰菊普洱饮落去第一啖嘅感觉好似饮紧菊花茶咁样，普里味会慢慢先渗出嚟，呢个比较少喺其他舖头会见到嘅，可以一试。
总结：呢间餐厅都算几有特色，而且餐牌上面好多嘢都系其他舖头冇嘅，值得试吓。价钱亦都大众化唔算好贵，同朋友嚟嘅话可以叫多几样小食大家share食。
张贴
