影片
更多
2015-01-24
4794 浏览
小店经营，一间喺小巷唔起眼，韩国人开的日式居酒屋。成间餐厅系一个广东话唔流利既男人同细路女，配一个香港女人的组合。加上佢地太殷勤合拍既服务，唔使谂佢地就系一家人，自己家庭式生意。次次都好似我地一家人帮衬一家人咁，好warm好亲切。直到帮衬到第五次倾开计，个"妈咪"先同我地讲佢唔系韩国人老婆，"囡囡"亦唔系佢“囡囡”，只系各自喺度打工。我地一家五口当堂“吓”得好大声，好似突然间个美满家庭破碎哂的感觉。算，唔讲感觉讲实在，有外地人坐镇的餐厅点都有少少sell高级野，价钱一定above average.但系"遥"价钱好合理，食物质素又高，态度有礼，小店就是有这种好处。第一次食原条秋刀鱼刺身，老板介绍时令野，一定要点葱，姜，明太子，特制酱油mix埋食。刀高好卖相靓。出面食秋刀鱼好多都系煎熟上，喺呢度我够胆食生。好奇待其他月份再帮衬时令池鱼，飞鱼刺身。颜色夺目的绿黄色卷物就系芒果龙虾沙律卷和牛油果软壳蟹卷其实次次食有生果配既食物，就惊啲生果系酸，破坏哂。呢度啲芒果食第5次都仲系咁甜咁fresh，配龙虾沙律一流。牛油果一块块薄切上面，软壳蟹亦炸得香脆适中。唯一的甜品红豆冰卷，出面雪米糍皮，中间红豆
成间餐厅系一个广东话唔流利既男人同细路女，配一个香港女人的组合。加上佢地太殷勤合拍既服务，唔使谂佢地就系一家人，自己家庭式生意。次次都好似我地一家人帮衬一家人咁，好warm好亲切。
直到帮衬到第五次倾开计，个"妈咪"先同我地讲佢唔系韩国人老婆，"囡囡"亦唔系佢“囡囡”，只系各自喺度打工。我地一家五口当堂“吓”得好大声，好似突然间个美满家庭破碎哂的感觉。
算，唔讲感觉讲实在，有外地人坐镇的餐厅点都有少少sell高级野，价钱一定above average.
但系"遥"价钱好合理，食物质素又高，态度有礼，小店就是有这种好处。
第一次食原条秋刀鱼刺身，老板介绍时令野，一定要点葱，姜，明太子，特制酱油mix埋食。刀高好卖相靓。出面食秋刀鱼好多都系煎熟上，喺呢度我够胆食生。好奇待其他月份再帮衬时令池鱼，飞鱼刺身。
颜色夺目的绿黄色卷物就系芒果龙虾沙律卷和牛油果软壳蟹卷
其实次次食有生果配既食物，就惊啲生果系酸，破坏哂。呢度啲芒果食第5次都仲系咁甜咁fresh，配龙虾沙律一流。牛油果一块块薄切上面，软壳蟹亦炸得香脆适中。
唯一的甜品红豆冰卷，出面雪米糍皮，中间红豆，最入面栗子蓉，最佳效果一定要等15分钟解冻先食。
其他推介:
冷豆腐
原板马粪海胆
法国鹅肝多士
大虾野菜天妇罗
香葱呑拿鱼腩卷
芝士三文鱼卷
火焰珍宝牛柳串
张贴
