影片
更多
2023-03-21
2543 浏览
💁♂️ 14/3/2023(Tue), Lunch🍽💁♂️A先生由中学时代开始，一直去到大学都喺西营盘呢边度过，所以对呢区比较有多啲接触，即使到而家毕业咁多年之后，佢都系继续返嚟呢区佢帮趁开既发型屋💈去剪头发💇🏻。呢一日佢剪完头发之后，就去咗佢咁耐都无食过既叁去壹食个佬味十足既午饭先。环境方面，始终都系旧式老店，装潢当然都系比较旧同不修边幅，不过嚟得呢度都系为咗食一份怀旧既味道同传统手作点心，对环境又唔会太在意，不过卫生方面呢度都可以既，枱櫈同餐具都系干净既。剪头发前经过都见到有外籍人士/游客嚟食，但剪完头发之后既午饭时间，食客就以街坊或者职业司机为主。而今日A先生order咗：🔆 鲜虾饺（$21）唔似而家酒楼普遍食到既虾饺皇，呢度既虾饺比较细粒，一笼有四粒。皮唔系薄身既、但亦无咁易夹烂块皮。虾饺皮入面包住虾肉🦐、肥猪肉🐷同埋笋粒，味道正正就系细个时食虾饺既味。即叫即蒸，上枱新鲜热焫。🔆 鲜竹鸡札（$20）A先生食点心必叫既鸡札，用腐皮包住鸡肉、冬菇、瘦肉同埋芋头。未算系最传统既鸡札，始终都无咗块吸汁一流既鱼肚，但呢度又保留咗瘦肉呢款外边酒楼已经好少见既配料。🔆 豉汁排骨饭（$26）呢
💁♂️ 14/3/2023(Tue), Lunch🍽
💁♂️A先生由中学时代开始，一直去到大学都喺西营盘呢边度过，所以对呢区比较有多啲接触，即使到而家毕业咁多年之后，佢都系继续返嚟呢区佢帮趁开既发型屋💈去剪头发💇🏻。呢一日佢剪完头发之后，就去咗佢咁耐都无食过既叁去壹食个佬味十足既午饭先。
环境方面，始终都系旧式老店，装潢当然都系比较旧同不修边幅，不过嚟得呢度都系为咗食一份怀旧既味道同传统手作点心，对环境又唔会太在意，不过卫生方面呢度都可以既，枱櫈同餐具都系干净既。
剪头发前经过都见到有外籍人士/游客嚟食，但剪完头发之后既午饭时间，食客就以街坊或者职业司机为主。
而今日A先生order咗：
鲜虾饺
$21
98 浏览
1 赞好
0 留言
🔆 鲜虾饺（$21）
唔似而家酒楼普遍食到既虾饺皇，呢度既虾饺比较细粒，一笼有四粒。皮唔系薄身既、但亦无咁易夹烂块皮。虾饺皮入面包住虾肉🦐、肥猪肉🐷同埋笋粒，味道正正就系细个时食虾饺既味。即叫即蒸，上枱新鲜热焫。
鲜竹鸡札
$20
77 浏览
0 赞好
0 留言
🔆 鲜竹鸡札（$20）
A先生食点心必叫既鸡札，用腐皮包住鸡肉、冬菇、瘦肉同埋芋头。未算系最传统既鸡札，始终都无咗块吸汁一流既鱼肚，但呢度又保留咗瘦肉呢款外边酒楼已经好少见既配料。
豉汁排骨饭
$26
128 浏览
0 赞好
0 留言
🔆 豉汁排骨饭（$26）
呢度既蒸饭食得出系原盅蒸既，饭粒蒸得晶莹剔透、粒粒分明，食落爽身没有多余既水份，混合埋排骨既肉汁同豉油，A先生好快就食完呢一盅饭。排骨都有好多件，食落肉质爽弹，调味恰巧，没有太浓味去盖过米饭🍚既味道，系一盅高质素既蒸饭。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：❤❤❤❤(4/5)
👉🏻 怀旧点心质素高，价钱实惠。虽则系老店，但店员都亲切友善，仲好欢迎影相
👉🏻 要留意返店舖系两点半关门，A先生两点去到都有部分点心同蒸饭已经卖完
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗(4/5)
👉🏻 泊车可以选择第一街或者再上去高街既表位
👉🏻 公共交通方面，由港铁西营盘站行过嚟都系10分钟左右；亦有大量小巴、巴士线途经；如果搭电车就要行一段斜路先上到
🔆🔆🔆🔆🔆🔆🔆🔆🔆🔆🔆🔆🔆
题外话/补充资料：
要留意返店舖系两点半关门，唔好太迟去
(以上食记乃用户个人意见 , 并不代表OpenRice之观点。)
张贴
