Story Steak & Pasta (已結業)

想平平地唔多花巧实际啲食餐西餐，Story 就啱哂啦，午餐47及52蚊，多款任拣。装修简单雅致，啲櫈都好好坐，午市常常爆满。朋友拣左黑椒牛肩肉意粉（$52），牛肩肉味浓唔韧好食，但意粉略微生左啲唔太熟，整体都满意。自己就拣左香煎羊架配薯蓉（$52）羊架两件，煎得香口又肉质松软，食落有少少正常羊肉膻味，但咬落肉汁锁住好咬口，以52蚊免加一嚟讲整体满意嘅，但就唔会饱啰，因为太好食就会觉得唔够食。跟餐热咖啡都对办，好饮。