吉豚屋吉列豬扒專門店

营业中

休息中

依次系第二嚟吉豚屋，之前食完有时都几挂住佢，因为我钟意佢间舖各样细节及灯光都有令我置身日本地道连锁店的感觉，同埋佢有人流之余又唔驶等！今次点了"滑蛋吉列三重奏"$65+"野菜豚肉汤"$9+"吉列豚柳泡菜㶽乌冬"$69+"柑桔热柠水"$6,等了一会首先到嘅系三重奏+豚肉汤，我叫嘅原因系因为贪心，因为有滑蛋汁丶炸虾丶炸猪扒同炸免治猪肉，简直系可满足人乜都想食少少嘅感觉，我第一口系饮豚肉汤，因为天气凉，饮第一口非常暖身，而佢材料又多，仲要只系$9绝对系唔错，之后就开始食个饭，整个饭个卖相几靓，一啲都唔hea,炸虾一啲都唔细，食得出虾系新鲜炸同虾肉亦好食，之后到猪扒，猪扒厚得嚟里面仲好有肉汁，比起我之前响丼x屋食$128个猪扒饭好食好多好多，最后到免治猪柳都系可以的，但冇之前两様冇咁突出，蛋汁亦非常足够令我可把整个饭K.O晒！第二様猪柳泡菜锅，个锅都几大乌冬都几多，红红嘅泡菜汤，够热又有啲辣冬天食感觉好正，炸猪柳比猪扒薄同干少少，最后不可不捉一下杯$6嘅柑桔柠水亦非常好饮，以两个人食只系$164嘅价銭同得到既美味，绝对不比最出名𠮶间差多少！