饗樂町 (已結業)

滑蛋芝士猪扒饭喺香港食呢啲平民级数嘅日本菜就预咗系港式茶餐厅日本菜，所以都不需太认真什么卖相同用餐细节。当份餐摆低时，卖相算系合格啦。卖相过关，味道就系真正考试，面豉汤够热，颜色淡黄，以三文鱼肉熬制味道唔算浓厚，咸度都适中但油层比较厚。轮到主角滑蛋芝士猪扒，先试滑蛋⋯⋯⋯⋯⋯⋯系完全唔合格，首先蛋底底味不够味! 第二，滑蛋煮过头变成海棉状态又硬实又鞋柴，加添番枱面上嘅豉油，咁就可以调节番味道，但蛋质就完败无得救啰。芝士猪扒睇落好似好厚，其实都系炸粉作怪，而一啖咬落去，就即刻涌出来一点油腻味，而且系整块猪扒都带有呢个油味! 好在，芝士在猪扒内都溶得够，夹起来亦有拉丝，但芝士味不浓。而白饭份量就比较小咗啲，不够食晒成碟蛋，饭质有黏糯感入口软熟够热。今晚在半场坐客环境下冷气感觉不太够，枱櫈排列比较紧凑，而最令我惊吓系自助水机出水恍如失控，一出水就浅起，一不小心就弹湿衣服，我不明白店长为何不跟进此情况。整体用餐体验唔算太好。