茶廳 (已結業)

琴日出去青衣城睇戏，睇完就同朋有友食埋个饭就回家。之前睇戏经过依间茶厅都几多人排。但可能个肺炎关系，所以琴日下午茶时间就唔洗等位就入得。本身唔打算打食评，所以冇影相，但佢地做咗件事我觉得可以表扬一下。我同朋友一坐低，侍应就比咗一个午餐同下午茶餐餐牌我，之后仲比咗2个纸袋我地放起个口罩，好贴心嘅做法。咁讲番食物，我叫咗个午餐，系白汁海鲜焗猪扒饭，我朋友就叫咗个西多士食。佢个白汁海鲜焗猪扒饭仲可以转做茄汁，我问啲员工佢话因为怕有啲人唔食白汁所以就可以转茄汁，所以都几好。佢个茄汁焗饭好大份好足料猪扒有啲咖哩味，唔韧，好好食。西多士我哋就叫咗红豆西多士，红豆好多，一切就爆馅，味道不过不失。买单就两个人$100左右，一个午餐一个茶餐两杯野饮， 每人$50其实又唔系好贵，但啲嘢几好食，可以再食。