大門拉麵 (屯門市廣場1期)

营业中

休息中

见呢间拉面几多人排，又见价钱几实惠所以就去食下，叫咗个以舖头名命名嘅「大门拉面」卖相OK，同餐牌有9成似，汤底都够深色，睇落唔错但系，饮完头啖汤就知出事，汤底唔稀，但饮落俗而无味，甚至令我怀疑系咪「日本直送」令到个汤底挥发晒啲味面系用粗面，有少少碱水味，做沾面ok，但汤面真系不了。粗面嘅浓味抢哂成碗面嘅形象，汤拉面应该系汤占6成整体风味，但呢个拉面真系同食净面无分别，叉烧无其他舖𠮶种烤香味，似白烚，肉味唔够嘅程度系我只知道自己放咗旧外表系叉烧嘅白肉入口唯一正常有味嘅系块紫菜，食𠮶阵简直觉得好似喺地狱得到救赎一样我自问对拉面要求唔高，屯门另外其他拉面舖我都觉得好食，加面都食得晒，最多饮剩啲汤，唯独依间嘅汤面我系第一次食剩。对我而言真系可一不可再。