薩莉亞意式餐廳 (平田商場) (已結業)

黄氏力场今日去到冇得输嘅地方食西餐，点解咁讲，因为一家三口只需要$120已经有意粉Pizza同埋小食作为丰富嘅晚餐，这就是萨利亚！细细个已经听过你个名，今次都系第一次同你食嘢！哈哈哈！估唔到啲嘢都OK㖞！因为便宜到这个价钱，所以每个星期六日都排长龙，他们上菜的速度好快，好明显系预先整好的，但系质素都几好唔错！我会推介这个温泉蛋卡邦拿那意大利粉，因为将只蛋打烂之后捞匀所有嘅白汁同烟肉混合一起来吃真系好鬼入味，虽然系好似好易整，但系$32 已经系我哋所叫嘅最贵嘅东西，怪不得咁鬼多人星期六日都要排队食啦！我宁愿出街食，我唔使洗碗唔使买𩠌唔使煮才是重点吧！另外白汁焗鸡肉通粉亦都好鬼好食，佢哋好鬼多白汁，我哋将啲白汁酱捞埋意粉一齐食仲得，另外Pizza虽然细细，但系全部都系$29 ，点叫都冇得输，如果你系我你又会点拣呢？